عاطف اکرم شیخ کاکہنا ہے کہ سعودی عرب کا دورہ سرمایہ کاری کے لیے مثبت تسلسل ہے، جس میں فیسلیٹیشن کونسل کا کردار اہم ہے۔
صدر فیڈریشن آف پاکستان چیمبرز آف کامرس اینڈ انڈسٹری عاطف اکرام شیخ نے سعودی وفد کے دورہ پاکستان کو معیشت کے لیے سنگ میل قرار دیتے ہوئے کہا ہے کہ وزیراعظم پاکستان کے دورہ سعودی عرب کے بعد سعودی وفد کا دورہ سرمایہ کاری پراجیکٹ کا مثبت تسلسل ہے، دونوں ممالک کی طرف سے پانچ ارب ڈالر سرمایہ کاری کا مرحلہ جلد مکمل کرنے کا عہد سرمایہ کاروں کا اعتماد بحال کرے گا۔
عاطف اکرام شیخ نے کہا کہ ایس آئی ایف سی کے پلیٹ فارم سے ریکوڈک میں بڑی سرمایہ کاری کا آنا معیشت کیلئے مثبت اقدام ہے جس کےلیے سرمایہ کاری کونسل کا کردار نمایاں اور اہم ہے۔
انہوں نے کہا کہ دونوں ممالک کے چیمبر آف کامرسز کے درمیان روابط کی راہ ہموار کرنے کیلئے ایک فریم ورک کی ضرورت ہے جو مختلف شعبوں میں تعاون کے امکانات کو وسیع کرے گا.
عاطف اکرام نے کہا کہ پاکستان کے پاس سعودی عرب کے ساتھ ٹیکسٹائل، فارماسیوٹیکل، چاول، چمڑے، ڈیری فارمنگ اور دیگر شعبوں میں سرمایہ کاری کے تعلقات کو بڑھانے کے لیے وسیع امکانات موجود ہیں سعودی عرب نے ہمیشہ پاکستان کی معیشت کو مضبوط بنانے اور عوام کی فلاح و بہبود کے لیے معاون کردار ادا کیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News