ہم سب  ہی کھانوں کو دوبارہ گرم کر کےکھاتے ہیں مگر کیا آپ جانتے ہیں کہ کچھ کھانوں کو دوبارہ گرم کرنا آپ کی صحت کے لیے مضر ثابت ہوسکتا ہے اس کی وجہ یہ ہے کہ کچھ کھانوں کو جب دوبارہ گرم کیا جاتا ہے تو ان میں غذائیت کی کمی ہونے کے ساتھ کچھ زہریلے مادے پیدا ہونا شروع ہوجاتے ہیں اس اس طرح یہ کھانوں کی غیر صحت بخش اور مضر بنا دیتے ہیں۔

یہاں پر ایسے ہی کھانوں کا ذکر کیا جارہا ہے جنہیں دوبارہ گرم کرنا آپ کی صحت کو نقصان پہنچا سکتا ہے۔

انڈے

انڈے کو گرم کرنے سے اس میں سالمونیلا نامی مضر صحت بیکٹیریا پیدا ہوجاتا ہے۔بہتر یہی ہے کہ اسے  تازہ ہی کھایا جائے، جبکہ دوسری صورت میں اسے کھانا ہاضمے کو متاثر کرسکتا ہے۔

چائے

چائے کو دوبارہ گرم کرکے پینا نہ صرف اس کے ذائقہ کو خراب کر دیتا بلکہ اس میں پولی فینولز اور کیٹاچین نامی مرکبات بھی خارج  ہونے لگتے ہیں جو ہاضمہ کی خرابی کا سبب بن کر ڈائریا اور گیس جیسی دوسرے مسائل کا باعث بنتے ہیں۔

مشروم

مشروم میں پروٹین کی کثیر مقدار پائی جاتی ہے اگر اسے درست طریقے سے نہ رکھا جائے تو یہ پروٹین اینزائم اور بیکٹیریا میں ٹوٹ جاتا ہے، یہی وجہ ہے جب اسے گرم کیا جاتا ہے تو یہ بیکٹیریا کی پیداوار کو بڑھانے میں مدد دیتا ہے جس ہاضمے کے مسائل جنم لینے لگتے ہیں۔

آلو

پکے ہوئے آلو اگر گھر کے درجہ حرارت میں رکھے ہوئے ہوں تو ایسی صورت میں جب انہیں دوبارہ گرم کیا جاتا ہے تو اس میں سولانائن نامی زہریلا مرکب بننا شروع ہوجاتا ہے، اگر آپ چاہتے ہیں ہیں کہ پکے ہوئے آلو دوبارہ گرم کر کے استعمال کریں تو انہیں فریج میں رکھیں اور پھر گرم کر کے استعمال کریں۔

پالک

مشروم کی طرح پالک میں بھی نائٹریٹس موجود ہوتا ہے گرم کرنے پر نائٹرائٹس میں تبدیل ہوجاتا ہے،   نائٹرائٹس کارسوجینک بننے میں مدد دیتا ہے اس اگر آپ کے پاس بچا ہوا پالک موجود ہے تو اسے ٹھنڈا یا کمرے کے درجہ حرارت میں رکھا ہی کھا لیں گرم کرنے سے گریز کریں۔