بنگلادیشی مظاہرین کا صدر کو تین بجے تک پارلیمنٹ تحلیل کرنے کا الٹی میٹم

ویب ڈیسک

06th Aug, 2024. 01:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بنگلادیشی مظاہرین کا صدر کو تین بجے تک پارلیمنٹ تحلیل کرنے کا الٹی میٹم

بنگلادیشی طلبا رہنما نے صدر محمد شہاب الدین کو پارلیمنٹ تحلیل کرنے کا الٹی میٹم دے دیا۔

بنگلادیشی میڈیا کی رپورٹ کے مطابق احتجاجی طلبا رہنما کا کہنا ہے کہ اگر آج سہ پہر 3 بجے تک پارلیمنٹ تحلیل نہ ہوئی تو کل سخت کارروائی کا اعلان کریں گے۔

اس سے قبل طلبہ تحریک کے رہنما ناہید اسلام نے ویڈیو پیغام میں اعلان کیا تھا کہ نوبل انعام یافتہ ڈاکٹر محمد یونس عبوری حکومت کی قیادت کرنے پر رضامند ہو گئے ہیں۔

ان کا کہنا تھا کہ ہماری تجویز کردہ عبوری حکومت کے سوا کوئی حل قابل قبول نہیں ہوگا۔

انہوں نے کہا کہ میں اس فتح کو ان طلبہ کے نام کرتا ہوں جو اس تحریک کے دوران جان کی بازی ہار گئے۔ہم مظاہرین فاشسٹ حکومت کے خلاف متحد ہیں۔ ہمارے درمیان کوئی مذہبی یا دیگر قسم کی دھڑے بندی نہیں ہے۔