سعید انور کی سوشل میڈیا پر اپنے نام سے بنے جعلی اکاؤنٹس کی تردید

ویب ڈیسک

31st Oct, 2024. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعید انور کی سوشل میڈیا پر اپنے نام سے بنے جعلی اکاؤنٹس کی تردید

کراچی: سابق ٹیسٹ کرکٹر سعید انور سوشل میڈیا پر اپنے نام سے بنے جعلی اکاؤنٹس سے پریشان ہوگئے۔

پاکستان کے سابق ٹیسٹ کرکٹر سعید انور نے ٹوئٹر اور فیس بک سمیت دیگر سوشل میڈٰیا پلیٹ فارم پر اپنے نام سے بنے اکاؤنٹس کی تردید کرتے ہوئے اظہار لاتعلقی کردیا۔

سعید انور نے کہا کہ سوشل میڈیا کے کسی بھی پلیٹ فارم پر میرا کوئی اکاؤنٹ موجود نہیں، جو لوگ بھی میرے نام سے جھوٹے اکاؤنٹ چلا رہے ہیں اللہ انہیں ہدایت دے۔

انہوں نے مداحوں سے اپیل کرتے ہوئے کہا کہ وہ ایسے جعلی اکاؤنٹس کی حوصلہ شکنی کریں اور ان کو پکڑنے میں مدد کریں۔

ان کا کہنا تھا کہ مذہب اسلام ہمیں ترغیب دیتا ہے کہ جھوٹ نہ بولیں اور جھوٹ کو نہ پھلائیں۔

یاد رہے کہ سعید انور 1990 سے 2003 کے دوران پاکستان ٹیم کی نمائندگی کرچکے ہیں جس دوران انہوں نے 55 ٹیسٹ اور 247 ون ڈے میچز کھیلے ہیں۔

سابق کھلاڑی کا کیریئر شاندار رہا ہے، انہوں نے ٹیسٹ میں 11 سنچریوں اور 25 نصف سنچریوں کی بدولت 4052 رنز اسکور کیے جب کہ ون ڈے میں 20 سنچریوں اور 43 نصف سنچریوں کی بدولت 8824 رنز اسکور کیے۔