پیٹرولیم مصنوعات کی قیمتوں میں بڑے اضافے کا امکان

ملک سعید اعوان

13th Nov, 2024. 11:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیٹرولیم مصنوعات کی قیمتوں میں بڑے اضافے کا امکان

اسلام آباد: عالمی مارکیٹ میں پیٹرولیم مصنوعات کی قیمتوں میں اتار چڑھاؤ جاری ہے، 16 نومبر سے ملکی سطح پر پیٹرولیم مصنوعات مہنگی ہونے کا خدشہ ظاہر کیا گیا ہے۔

ذرائع کے مطابق آئندہ 15 روز کیلئے پیٹرولیم مصنوعات 6 روپے فی لیٹر تک مہنگی ہونے کا امکان ہے، تاہم 16 نومبر سے پیٹرول کی فی لیٹر قیمت اڑھائی روپے تک بڑھ سکتی ہے۔

ذرائع نے بتایا ہے کہ آئندہ 15 روز کیلئے ہائی اسپیڈ ڈیزل 5 روپے 91 پیسے تک مہنگا ہو سکتا ہے جبکہ مٹی کا تیل 5 روپے 54 پیسے فی لیٹر مہنگا ہونے کا امکان ہے۔

اس کے علاوہ لائٹ ڈیزل آئل کی قیمت میں بھی 5 روپے 90 پیسے تک کا اضافہ ہو سکتا ہے۔

ذرائع کے مطابق آئل کمپنیوں نے پیٹرولیم مصنوعات سے متعلق ورکنگ اوگرا کو بھجوا دی، پیٹرولیم مصنوعات کی قیمتوں میں ردوبدل عالمی مارکیٹ کے تناسب سے ہوگا۔

ذرائع کا مزید کہنا ہے کہ اوگرا قیمتوں سے متعلق ورکنگ 15 نومبر کو حکومت کو بھجوائے گا، وزیر اعظم شہباز شریف کی مشاورت سے قیمتوں سے متعلق حتمی منظوری ہوگی اور قیمتوں سے متعلق وزارت خزانہ نوٹیفکیشن 15 نومبر کو جاری کرے گی۔