جامعہ کراچی کی داخلہ پالیسی کو تبدیل کرنے کا اصولی فیصلہ
جامعہ کراچی کے تعلیمی معیار کو بہتر بنانے کے لیے انتظامیہ نے اگلے سیشن کیلئے داخلہ پالیسی میں بڑی تبدیلی کا اصولی فیصلہ کرلیا۔
جامعہ کراچی کے وائس چانسلر خالد محمود عراقی کے مطابق آئندہ داخلے انٹر سال اول کے نتائج کی بنیاد پر دینے کا فیصلہ کیا گیا ہے۔ بی ایس مارننگ اور ایوننگ پروگرام کے داخلے نومبر کے بجائے جولائی 2025 میں شروع کردیے جائیں گے۔
خالد محمود عراقی کا کہنا ہے کہ نیا سیشن بھی اگست سے شروع کیا جاسکتا ہے۔ یہ فیصلہ بہتر نتائج کے حامل اچھا اکیڈمک پس منظر رکھنے والے طلبہ کے لیے کیا جارہا ہے۔
ان کا کہنا ہے کہ شہر کی کئی جامعات سال کے وسط میں داخلوں کا اعلان کردیتی ہیں جس کے سبب ذہین طلبہ کی ایک بڑی تعداد پہلے ہی ان جامعات کا رخ کرلیتی ہے۔
وائس چانسلر جامعہ کراچی نے مزید کہا کہ جامعہ کراچی میں جو طلبہ داخلہ لے رہے ہیں ان کا معیار بھی یونیورسٹی کی شایان شان ہو، باقاعدہ ورکنگ پیپر تیار کیا جائے گااور اکیڈمک کونسل میں منظوری بھی لے لی جائے گی۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
