ملتان میں سیریز کے پہلے ٹیسٹ میں ویسٹ انڈیز کے خلاف پہلے دن کا کھیل ختم ہونے پر پاکستان نے 4 وکٹوں کے نقصان پر 143 رنز بنا لیے۔
ملتان کرکٹ اسٹیڈیم میں کھیلے جانے والی سیریز کا پہلا ٹیسٹ دھند کے باعث تاخیر کا شکار ہوا، امپائرز نے گراؤنڈ فیلڈ کا جائزہ لینے کے بعد 1 بجے ٹاس کا اعلان کیا۔
پاکستان کے کپتان شان مسعود نے ٹاس جیت کر پہلے بیٹنگ کا فیصلہ کیا، میچ ڈیڑھ بجے شروع ہوا۔
پاکستان کی جانب سے ڈیبیو کرنے والے محمد ہریرہ متاثر کن کھیل پیش نہ کر سکے اور 6 رنز بنا کر آؤٹ ہوئے، کپتان شان مسعود نے 11، کامران غلام نے 5 اور بابر اعظم نے 8 رنز بنائے۔
گرین شرٹس کی ابتدائی 4 وکٹیں محض 44 رنز پر گر چکی تھیں، سعود شکیل اور محمد رضوان نے لڑکھڑاتی ٹیم کو سہارا دیا، دونوں کی شراکت میں ناقابل شکست 97 رنز کی شراکت داری نے ٹیم کی پوزیشن کو قدرے مستحکم کیا۔
Advertisement
پہلے دن کے اختتام پر محمد رضوان 51 اور سعود شکیل 56 رنز کے ساتھ کریز پر موجود ہیں۔
کالی آندھی کی جانب سے جیڈن سیلز نے 3 اور گڈاکیش موتی نے 1 کھلاڑی کو آؤٹ کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
