وزیراعظم شہباز شریف نے کہا کہ انسداد پولیو مہم سے بچوں کے مستقبل کو محفوظ کریں گے۔

وزیراعظم شہبازشریف اسلام آباد میں قومی انسداد پولیو مہم کی افتتاحی تقریب میں شریک تھے جہاں انہوں نے پہلی قومی انسداد پولیو مہم کا افتتاح کیا۔

وزیراعظم شہبازشریف نے  قومی انسداد پولیو مہم کی افتتاحی تقریب سےخطاب کرتے ہوئے کہا کہ ملک سے پولیو کے خاتمے کےلیے سال  کی پہلی مہم شروع کی جارہی ہے۔

وزیراعظم نے کہا کہ 5 سال سےکم عمر کروڑوں بچوں  کو انسداد پولیوکے قطرے پلائےجائیں گے، بچوں کو انسداد پولیوکے قطرے پلاکر اس مرض سے محفوظ کریں گے۔

شہبازشریف کا یہ بھی کہنا تھا کہ پولیو ورکرز بچوں  کو قطرے پلاکر قومی ذمےداری ادا کریں گے، رواں سال جنوری میں اب تک صرف ایک کیس رپورٹ ہوا ہے۔

وزیراعظم نے کہا کہ کاش رواں سال اب تک ایک کیس بھی سامنےنہ آتا، انسداد پولیو مہم سے بچوں کے مستقبل کومحفوظ کریں گے، عالمی اداروں اور شراکت داروں کے ساتھ پولیو کا خاتمہ کریں گے۔

شہبازشریف نے کہا کہ سعودی عرب، بل گیٹس فاؤنڈیشن کے ساتھ مل کرپولیو کا خاتمہ کریں گے۔

وزیراعظم نے مزید یہ بھی کہا کہ افغانستان سے باہمی تعاون سے پولیو کا خاتمہ کریں گے، امید ہے پاکستان  سے پولیو کا مکمل خاتمہ کرنے میں کامیاب ہوں گے۔