سندھ حکومت کی جانب سے یو سیز سیل کرنے کا فیصلہ واپس لینے کا فیصلہ کرلیا گیا ہے۔

تفصیلات کے مطابق وزیر اطلاعات سندھ ناصر حسین شاہ کا کہنا ہے کہ جو علاقے متاثر ہیں ان کو سیل کیا جائے گا کیونکہ یو سی سیل ہونا سے بہت بڑا مسئلہ پیدا ہوگا۔

وزیر اطلاعات ڈپٹی کمشنر ایسٹ کو ہدایت دے دی ہے کہ جن جگہوں پر وائرس کے متاثر ہیں وہ گلیاں سیل کریں اسی لئے مخصوص ایریا سیل کئے جائیں گے۔

یاد رہے کہ اس سے قبل کراچی میں کورونا وائرس خطرناک حد تک پھیلنے لگا۔کراچی میں12 یونین کونسلز کو سیل کرنے کے احکامات جاری کردیے گئے تھے۔

 وزیر اعلیٰ سندھ مراد علی کی زیر صدارت کورونا وائرس سے متعلق اجلاس میں ضلع شرقی کی 12یونین کونسلز کو سیل کرنے کے احکامات جاری کردیے  گئے۔

وزیراعلیٰ سندھ نے کہا کہ کورونا وائرس کے تیزی سے پھیلنے کے کیسز کے باعث کراچی کے ضلع شرقی کی 12یونین کونسلز کو سیل کردیا ہے۔ ان یونین کونسلز سے زیادہ  کیسز سامنے آئے ہیں۔

مراد علی شاہ نے کہا کہ  ضلع شرقی کی  یوسی 6 گیلانی ریلوے ، یوسی 7 ڈالمیا ، یوسی 8 جمالی کالونی ، یوسی 9 گلشن کو سیل کرنے کا حکم دیا ہے۔

اس کے علاوہ  یوسی 10 پہلوان گوٹھ ، یوسی 12 گلزار ہجری ، یوسی 13 صفورا کو بھی سیل کرنے کا حکم دیا ہے۔

انہوں نے مزید بتایا کہ سیل کی جانے والی یوسیز میں یوسی 14 فیصل ، یوسی 1 منظور کالونی ، یوسی 9 جیکب لائن اور یوسی 10 جمشید کوارٹرز بھی شامل ہیں۔

وزیراعلی سندھ  نے کہا کہ  پولیس اور رینجرز کو ان یونین کونسلز میں سیکورٹی بڑھانے اور سیل کرنے کے احکامات دیے ہیں۔