بھارتی رپورٹر ارچنا تیواری نے پہلگام فالس فلیگ آپریشن سے جُڑے حیران کن زمینی حقائق بے نقاب کردیے۔

یہ حقائق ارچنا تیواری کے سامنے کشمیری ڈرائیور نے بیان کئے جب کہ یہ گفتگو ارچنا تیواری نے حقائق جاننے کے لئے ریکارڈ کی۔ کشمیری ڈرائیور نے بتایا کہ بھارتی چینلز دن رات جھوٹا پروپیگینڈا پھیلانے میں مصروف ہیں۔

ارچنا تیواری نے سوال کیا کہ 6 دن کے شادی شدہ جوڑے پر حملہ اور لڑکے کی موت کیا جھوٹ تھی؟ جس پر ڈرائیور نے جواب دیا کہ ہاں یہ سب جھوٹ ہے کیونکہ لڑکا زندہ ہے اور سب ڈرامہ چل رہا ہے اور بھارت میں سب جھوٹ پھیلایا جا رہا ہے۔

ارچنا تیواری نے پھر سوال کیا کہ کیا بیوہ کا بیان اور ایک متاثرہ شخص کے بچے کی ویڈیو جھوٹ ہے؟، ڈرائیور نے بتایا کہ ہاں یہ سب ایک سیاسی کھیل ہے، دس کلو میٹر دور سے فائر کرنے والے دہشت گرد متاثرین کا مذہب کیسے پوچھ سکتے ہیں؟۔

کشمیری ڈرائیور کا کہنا تھا کہ مودی سرکار نے کشمیریوں کا معاشی قتل عام ترک نہ کیا تو عوام بھی ہتھیار اٹھانے پہ مجبور ہوجائے گی۔

کشمیری ڈرائیور نے بھارتی رپورٹر ارچنا تیواری کو کہا کہ یہ باتیں سب مودی کا ڈرامہ ہیں، پورے بھارت نے کشمیر کو داؤپر لگا دیا۔

ڈرائیور نے کہا کہ پاکستان تو جنگ کے لیے تیار ہے، جنگ چھڑتے ہی بھاگنے والوں میں سب سے آگے مودی، امت شاہ اور یوگی ادتیہ ناتھ ہوں گے، پھر بھارتیوں کو پتا چل جائے گا کہ انہوں نے مودی سرکار پر بھروسہ کرکے غلطی کی۔

دوسری جانب سیاسی تجزیہ کار کہتے ہیں کہ بھارتی میڈیا کا بیانیہ زمینی حقائق سے یکسر مختلف ہے، ارچنا تیواری کا سچ سامنے لانا اس بات کا ثبوت ہے کہ پہلگام  فالس فلیگ آپریشن صرف ایک پروپیگنڈا ہے۔

سیاسی تجزیہ کار کا کہنا ہے کہ کشمیری ڈرائیور کی گفتگو مودی سرکار کے ظلم و ستم اور کشمیریوں کے جذبات کی عکاسی کرتی ہے۔