پاکستان ڈرامہ انڈسٹری کی معروف اداکارہ حرا مانی نے سوشل میڈیا پر اپنے جنون سے پردہ اٹھا دیا، جس نے ان کے مداحوں کو خوشگوار حیرت میں ڈال دیا ہے۔

اداکارہ حرا مانی نے اپنے انسٹاگرام پر چند تصاویر شیئر کی ہیں جن میں وہ کھلے بالوں کے ساتھ ڈرم بجاتی نظر آ رہی ہیں۔

 پوسٹ کے کیپشن میں حرا مانی نے مختصر اور پُراثر انداز میں لکھا کہ “میرا نیا جنون”۔

ان کی تازہ پوسٹ سے ظاہر ہوتا ہے کہ وہ نہ صرف اداکاری بلکہ گلوکاری کے شعبے میں بھی بھرپور دلچسپی لے رہی ہیں اور اب باقاعدہ موسیقی کے سازوں میں مہارت حاصل کرنے کی کوشش کر رہی ہیں۔

یاد رہے کہ حرا مانی نے متعدد مقبول ڈراموں میں شاندار اداکاری کے جوہر دکھائے ہیں جبکہ وہ ماضی میں مختلف ٹی وی شوز اور پراجیکٹس میں اپنی آواز کا جادو بھی جگا چکی ہیں، ان کا یہ نیا جنون مداحوں کو ان کے ایک نئے رُخ سے روشناس کروا رہا ہے۔