لاہور، عیدالاضحیٰ پر بسیارخوری، ہزاروں شہری گیسٹرو میں مبتلا ہو کر اسپتال پہنچ گئے

ویب ڈیسک

08th Jun, 2025. 06:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

لاہور، عیدالاضحیٰ پر بسیارخوری، ہزاروں شہری گیسٹرو میں مبتلا ہو کر اسپتال پہنچ گئے
دوحا امن معاہدے کے بعد پاک افغان سرحد جلد کھلنے کا امکان، دونوں فریقوں کا اصولی اتفاق
دوحا مذاکرات ہماری شرائط پر ہوئے، بھارت افغان دہشتگردوں کو فنڈ کرتا ہے، حنیف عباسی کا تہلکہ خیز انکشاف
لاہور، علامہ اقبال میڈیکل کالج میں AIMSCon-2025 کا شاندار انعقاد، 400 سے زائد تحقیقی مضامین پیش

Now Reading:

لاہور، عیدالاضحیٰ پر بسیارخوری، ہزاروں شہری گیسٹرو میں مبتلا ہو کر اسپتال پہنچ گئے

اسپتالوں میں ایمرجنسی کا ماحول پیدا ہو گیا ہے

عید الاضحیٰ کے موقع پر لاہور میں زیادہ گوشت کے استعمال کے باعث شہریوں کی بڑی تعداد گیسٹرو کی بیماری کا شکار ہو گئی ہے، جس سے شہر کے اسپتالوں میں مریضوں کا رش بڑھ گیا ہے۔

گیسٹرو کی علامات جیسے پیچش، قے، پیٹ کی درد اور پانی کی کمی نے عید کی خوشیوں میں غم کی لہر ڈال دی ہے۔

گزشتہ رات سے اب تک لاہور کے چھ بڑے سرکاری اسپتالوں میں 9 ہزار سے زائد مریض رپورٹ ہو چکے ہیں۔

ان اسپتالوں میں میو اسپتال، جناح اسپتال، سروسز اسپتال، جنرل اسپتال اور گنگارام اسپتال شامل ہیں۔

میو اسپتال میں کل شام سے لے کر اب تک 2 ہزار سے زائد مریض علاج کے لیے آئے ہیں، جبکہ جناح اسپتال میں بھی 1500 سے زائد مریض رپورٹ ہوئے ہیں۔

سروسز اسپتال میں 1200 سے زائد مریضوں کا علاج جاری ہے۔

اسی طرح، جنرل اسپتال اور گنگارام اسپتال میں بھی ایک ہزار سے زائد مریض گیسٹرو کی علامات کے ساتھ لائے گئے ہیں، جس سے اسپتالوں میں ایمرجنسی کا ماحول پیدا ہو گیا ہے۔

حکام کا کہنا ہے کہ عید الاضحیٰ پر گوشت کی زیادہ مقدار اور غیر ضروری طور پر کھانے پینے کی عادت نے شہریوں کو گیسٹرو کی طرف مائل کر دیا ہے۔

اس حوالے سے شہریوں کو پانی کی کمی سے بچنے، خوراک میں احتیاط اور صاف ستھری خوراک استعمال کرنے کی ہدایت کی گئی ہے۔