دنیا بھر میں لوگوں کی بڑی تعداد مختلف مشاغل اختیار کرتی ہے انہیں اپنے فرصت کے اوقات میں انجام دیتی ہے جیسے سکے یا ٹکٹ جمع کرنا، غرض ہر مشغلہ آپ کو مصروف رکھنے کے ساتھ آپ کی خوشی کا باعث بھی بنتا ہے۔

تاہم آپ نے کبھی یہ جاننے کی کوشش کی ہے کہ اس پیچھے کیا راز چھپا ہے اور ہم مشغلہ کیوں اختیار کرتے ہیں۔

حال ہی میں کی جانے والی تحقیق کے مطابق چیزیں جمع کرنے کی عادت محض شوق نہیں، بلکہ اس کی وجہ بے یقینی کی کیفیت یا وقت میں اپنے ماحول پر قابو پانے کی خواہش ہے۔

یہ بھی پڑھیں: کیا مشغلہ آپ کو صحت مند رکھنے میں مددگار ثابت ہوتا ہے؟ جانئے کس طرح

تحقیق میں کورونا جیسی غیر یقینی صورتحال کا جائزہ لیا گیا جس میں لوگوں کی بڑی تعداد جو پہلے کسی مشغلے میں مصروف نہیں تھی نئے مشاغل اپنانے لگی اس طرح میں وہ غیر یقینی صورتحال کو قابو میں رکھنے کے ساتھ  خود کو مطمئن اور مصروف محسوس کرتی۔

محققین کا کہنا ہے کہ جب کسی بھی چیز جیسے تصاویر کا کلیکشن مکمل ہونے کے قریب ہوتا ہے، تو لوگ اور بھی زیادہ شوق سے چیزیں جمع کرتے ہیں، کمپنیاں اس رجحان کو سمجھ کر اپنی مصنوعات ایسے ڈیزائن کر سکتی ہیں کہ وہ مکمل کلیکشن کا حصہ لگیں (جیسے Pokémon) لیکن اگر کمپنیاں بار بار نئی اشیاء شامل کرتی رہیں گی، تو صارفین اکتاہٹ بھی محسوس کر سکتے ہیں۔

یہی وجہ ہے کہ چیزیں جمع کرنا صرف تفریح نہیں، بلکہ ذہنی سکون کا ذریعہ بھی بن سکتا ہے۔