ایرانی گلوکار اسٹیج پر دل کا دورہ پڑنے سے انتقال کر گئے

ویب ڈیسک

14th Sep, 2025. 10:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایرانی گلوکار اسٹیج پر دل کا دورہ پڑنے سے انتقال کر گئے

ایران کے مشہور گلوکار اور اداکار امید جہاں 43 برس کی عمر میں دل کا دورہ پڑنے کے باعث چل بسے۔

رپورٹس کے مطابق امید جہاں ایران کے شہر بم میں ایک فیسٹیول کے دوران اسٹیج پر پرفارم کر رہے تھے کہ اچانک دل کا دورہ پڑا اور وہ گر گئے۔

فوری طور پر انہیں اسپتال منتقل کیا گیا، جہاں ڈاکٹروں نے دو مرتبہ دل کی بحالی کی کوشش کی اور آئی سی یو میں بھی داخل کیا، تاہم وہ جانبر نہ ہو سکے۔

امید جہاں 1982 میں شہر آبادان میں پیدا ہوئے۔ وہ نامور موسیقار محمود جہاں کے بیٹے تھے اور اپنے والد کے نقشِ قدم پر چلتے ہوئے موسیقی کی دنیا میں قدم رکھا، ان کا پہلا باضابطہ البم 34 سال کی عمر میں ریلیز ہوا، جس نے انہیں موسیقی کے میدان میں ایک منفرد شناخت دی۔

اپنے مقبول گانوں اور منفرد انداز کی وجہ سے وہ صرف ایران ہی نہیں بلکہ دنیا بھر میں شائقین کے دلوں میں گھر کر گئے، تاہم ان کی اچانک موت پر مداحوں اور فنکار برادری نے گہرے دکھ اور افسوس کا اظہار کیا ہے۔