حکومت نے وزارت آئی ٹی کے منصوبوں کیلئے 8.6 ارب روپے جاری کر دیے

ملک سعید اعوان

27th Sep, 2025. 11:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے وزارت آئی ٹی کے منصوبوں کیلئے 8.6 ارب روپے جاری کر دیے

وفاقی حکومت نے وزارت آئی ٹی کے منصوبوں کے لیے 8.6 ارب روپے جاری کر دیے، یہ فنڈز پی ایس ڈی پی کے تحت رواں مالی سال کی پہلی سہ ماہی میں جاری کیے گئے تھے۔

وفاقی حکومت نے پی ایس ڈی پی کے تحت رواں سال آئی ٹی منصوبوں کیلئے 31 ارب مختص کیے تھے، جس میں سے پہلی سہ ماہی میں 28 فیصد جاری کیے گئے، جو مختلف ترقیاتی منصوبوں پر مکمل خرچ ہو چکی ہے۔

وزارت آئی ٹی کی جانب سے جاری کردہ دستاویز کے مطابق کراچی آئی ٹی پارک کے لیے 15 ارب، جبکہ اسلام آباد آئی ٹی پارک کے لیے 7 ارب روپے مختص کیے گئے، دونوں آئی ٹی پارک منصوبے کورین بینک کے نرم قرض سے مکمل ہو رہے ہیں۔

یہ بھی پڑھیں: وفاقی حکومت کا تین مراحل میں 24 سرکاری اداروں کی نجکاری کا فیصلہ

دستاویز میں بتایا گیا کہ اسلام آباد آئی ٹی پارک کا 80 فیصد تعمیراتی کام مکمل ہوچکا ہے، جو جدت و ٹیکنالوجی سروسز کا مرکز ہوگا، جبکہ آئی ٹی پارک سے آئی ٹی ایکسپورٹس میں اضافہ متوقع ہے۔

دستاویز کے مطابق یہ منصوبہ پاکستان کے ڈیجیٹل انفراسٹرکچر کو مضبوط کرے گا، مقامی اسٹارٹ اپس اور نوجوان کاروباری افراد کو نئے مواقع میسر آئیں گے، کراچی آئی ٹی پارک منصوبہ نظرثانی شدہ پلاننگ کے مراحل میں ہے۔