پاکستان نے سہ ملکی ٹی ٹوٸنٹی کرکٹ سیریز کے ایک اور شاندار میچ میں زمبابوے کو 69 رنز سے شکست دے کر مسلسل تیسری فتح حاصل کی اور فائنل میں جگہ بنا لی۔

زمبابوے کی ٹیم 196 رنز کے تعاقب میں صرف 126 رنز پر ڈھیر ہوگئی جس میں پاکستان کے آف سپنر عثمان طارق کی شاندار ہیٹرک نے اہم کردار ادا کیا۔

پاکستان نے ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں 5 وکٹوں کے نقصان پر 195 رنز بنائے۔

بابر اعظم نے 52 گیندوں پر 74 رنز کی شاندار اننگز کھیلی، جبکہ صاحبزادہ فرحان نے 41 گیندوں پر 63 رنز بنائے۔

فخر زمان نے 27 اور صائم ایوب نے 13 رنز کی مختصر اننگز کھیلی۔ محمد نواز صرف 4 رنز بنا کر آؤٹ ہوئے۔

زمبابوے کے باؤلرز میں سکندر رضا نے دو وکٹیں حاصل کیں، جبکہ براڈ ایوانز نے ایک وکٹ حاصل کی۔

پاکستان کی شاندار بولنگ لائن نے زمبابوے کے بیٹرز کو مشکلات میں ڈالا۔

 آف سپنر عثمان طارق نے اپنے دوسرے انٹرنیشنل ٹی ٹوٸنٹی میچ میں ہیٹرک کی اور 18 رنز دے کر چار وکٹیں حاصل کیں۔ ان کی اس شاندار کارکردگی نے میچ کا پانسہ پلٹ دیا۔

محمد نواز نے دو وکٹیں حاصل کیں، جبکہ نسیم شاہ اور فہیم اشرف نے ایک ایک وکٹ لی۔

 زمبابوے کے 8 بیٹرز ڈبل فگر میں بھی داخل نہ ہو سکے۔ رائن برل 67 رنز کے ساتھ سب سے نمایاں بیٹر رہے، سکندر رضا نے 23 رنز بنائے۔ برائن بینیٹ 9 اور برینڈن ٹیلر 8 رنز بنا کر آؤٹ ہوئے۔

اس فتح کے بعد پاکستان نے سہ ملکی کرکٹ سیریز کے فائنل میں اپنی جگہ پکی کر لی ہے۔

پاکستان اسکواڈ: صاحبزادہ فرحان، صائم ایوب، بابر اعظم، سلمان آغا، عثمان خان (وکٹ کیپر)، فخر زمان، محمد نواز، فہیم اشرف، محمد وسیم، عثمان طارق اور نسیم شاہ شامل ہیں۔

زمبابوے اسکواڈ: برین بیننٹ، تادیونشے، برینڈن، سکندر رضا، ریان، ٹونی، تشینگا، بریڈ، تینوتینڈا، رچرڈ اور ویلنگٹن شامل ہیں۔