اوگرا اعلامیہ میں گیس کی قیمتوں میں کمی کےدعوے کی حقیقت سامنےآگئی، جس کے مطابق اوگرا نےمجموعی طور پرگیس کی قیمتوں میں کمی نہیں اضافےکی منظوری دی ہے۔

اوگرا نے رواں مالی سال کے لیے سوئی سدرن کےلیے گیس 118 روپے47  پیسےفی ایم ایم بی ٹو مہنگی کرنےکی منظوری دی ہے جس کے بعد سوئی سدرن کے لیےگیس کی قیمت میں یہ اضافہ 7.14 فیصد بنتا ہے۔

اسی طرح سوئی ناردرن کے لیےگیس کی قیمتوں میں بھی 4.89 فیصداضافے کی منظوری دی ہے، جس کے بعد یہ اضافہ86 روپے30  پیسےفی ایم ایم بی ٹی یو بنتا ہے۔

یہ بھی پڑھیں:اسمگلنگ کی روک تھام: اوگرا میں آئل سپلائی چین کی ڈیجیٹلائزیشن کا دوسرا مرحلہ شروع

اوگرا کے گیس کی قیمت میں اضافے کے بعد سوئی سدرن کے لیے گیس کی قیمت 1777 روپے 2 پیسے، سوئی ناردرن کے لیےگیس کی قیمت 1852 روپے 80 پیسےفی ایم ایم بی ٹی یو ہوجائے گی۔

اوگرانےسابقہ شارٹ فال میں گیس کمپنیوں کےلیے60 ارب 88 کروڑروپے ایڈجسٹمنٹ کی اجازت بھی دی ہے۔

اس سےقبل اوگرا نےگیس کی قیمتوں میں اوسط 8 فیصد تک کمی کادعویٰ کیا تھا اور اوگرانےگیس کی قیمتوں میں کمی کے دعوے پرمیڈیا کواعلامیہ جاری کیاتھا۔