راولپنڈی: ٹرائی نیشن سیریز کے پانچویں میچ میں سری لنکا اور زمبابوے کی ٹیمیں آج شام اہم ٹکراؤ میں آمنے سامنے ہوں گی۔
میچ شام 6 بجے راولپنڈی اسٹیڈیم میں کھیلا جائے گا، پوائنٹس ٹیبل کے مطابق زمبابوے کو سری لنکا پر برتری حاصل ہے۔
پاکستان 6 پوائنٹس کے ساتھ پہلی پوزیشن پر ہے، زمبابوے کے پاس 2 پوائنٹس جبکہ سری لنکا اب تک کوئی پوائنٹ حاصل نہیں کر سکا ہے۔
مزید پڑھیں: ٹرائی نیشن سیریز؛ زمبابوے نے سری لنکا کو 67 رنز سے شکست دے دی
آج کا میچ نہایت اہمیت کا حامل ہے کیونکہ جیتنے والی ٹیم فائنل کے لیے کوالیفائی کرے گی۔
سری لنکا کی قیادت داسن شناکا کریں گے جبکہ زمبابوے کی کپتانی سکندر رضا کے سپرد ہے۔
میچ کے موقع پر اسٹیڈیم اور گرد و نواح میں سکیورٹی کے سخت ترین انتظامات کیے گئے ہیں۔
مزید پڑھیں: ٹرائی نیشن سیریز، پاکستان نے زمبابوے کو شکست دے کر فائنل میں جگہ بنا لی
راولپنڈی پولیس کے ساڑھے پانچ ہزار اہلکار جبکہ ساڑھے تین سو ٹریفک وارڈنز ڈیوٹیاں سر انجام دیں گے۔ پاک فوج اور رینجرز کے دستے بھی معاونت کے لیے موجود رہیں گے۔
ٹیموں کی آمد و روانگی کے دوران میٹرو بس سروس جزوی طور پر معطل رہے گی جبکہ داخلی و خارجی راستوں کی جدید کیمروں سے مانیٹرنگ کی جائے گی۔
ٹرائی نیشن سیریز کا فائنل 29 نومبر کو راولپنڈی میں کھیلا جائے گا۔
