آپ بھی اگرسستی الیکٹرک گاڑی خریدنا چاہتے ہیں تو انتظار ختم ہوگیا۔ ALEKTRA نے پاکستان کی اب تک کی سب سے سستی EV پیش کر دی۔
گاڑی کی اصل قیمت صرف 10 لاکھ 45 ہزار روپے رکھی گئی ہے۔ ایک سال کی موٹر اور بیٹری وارنٹی کے ساتھ یہ گاڑی عام شہریوں کے لیے ایک نئی اور معاشی آپشن کے طور پر سامنے آئی ہے۔
یہ گاڑی تکنیکی طور پر ایک کوآڈری سائیکل ہے، جو سائز میں آلٹو جیسے اے سیگمنٹ کار سے بھی چھوٹی ہے، مگر بنیادی سہولیات مکمل فراہم کرتی ہے۔
اس میں 4 نشستیں، بند کیبن، 4 پہیے، ایئرکنڈیشنر (کولنگ اور ہیٹنگ)، میوزک پلئیر، بلیوٹوتھ کنیکٹیویٹی اور پوائنٹ A سے پوائنٹ B تک سفر کی تمام بنیادی سہولتیں شامل ہیں۔
ALEKTRAیہ گاڑی خود نہیں بناتی بلکہ چین سے تیار شدہ ماڈل کو وائٹ لیبل کرکے پاکستان میں اپنے برانڈ کے تحت فروخت کرتی ہے۔
کمپنی اس گاڑی کے لیے مقامی طور پر سپورٹ، سیلز اور وارنٹی کی سروس بھی فراہم کر رہی ہے۔
نمایاں فیچرز
لمبائی/چوڑائی/اونچائی: 2450×1250×1650 ملی میٹر
الیکٹرک پاور: 2.68 ہارس پاور
بیٹری آپشنز: 7.2 kWh / 10.8 kWh / 12.96 kWh
رینج: 80–100 کلومیٹر، 130–150 کلومیٹر، 160–180 کلومیٹر
زیادہ سے زیادہ رفتار: 45–50 کلومیٹر فی گھنٹہ
چارجنگ: 220V گھریلو سوکٹ سے 5–7 گھنٹوں میں فل چارج
سہولیات: اے سی، بلیوٹوتھ، ریموٹ اسٹارٹ، ریورس کیمرہ، اینٹی تھیفٹ الارم
رنگ: سفید، کریم، پنک، پیلا، سرخ، نیلا
وارنٹی: بیٹری و موٹر کی 2 سال تک مرمت یا تبدیلی
اسی قیمت میں 2013–14 ماڈل کی ایک اچھی کنڈیشن کی سوزوکی مہران بھی خریدی جا سکتی ہے۔ لیکن اس نئی EV کی خصوصیت اس کی کم لاگت، کم مینٹی ننس، اور 2 سال کی وارنٹی ہے۔
پرانی مہران میں وارینٹی نہیں ملتی اور اس کے بہت سے میکانیکی مسائل بھی سامنے آ سکتے ہیں۔
گاڑی کی بکنگ اور ٹیسٹ ڈرائیو ALEKTRA کے لبرٹی پارکنگ پلازہ (فرنٹ سائیڈ) پر دستیاب ہے۔
