فواد اور ماہرہ کی فلم ’’ نیلو فر‘‘ کسی کو بھا گئی تو کسی کو پسند نہ آئی ۔ مداحوں کا ملا جلا ردعمل سامنے آگیا۔
فلم میں فواد خان اور ماہرہ خان نے مرکزی کردار ادا کیے۔ 28 نومبر 2025 کو سینما گھروں میں ریلیز ہو گئی۔
یہ فلم 2020 میں بننا شروع ہوئی تھی لیکن کئی تاخیر کے بعد اب ناظرین کے سامنے آئی ہے۔
جس کے سبب کچھ مداحوں کو یہ فلم بھا گئی تو کسی کو پسند نہ آئی۔ فواد اور ماہرہ ایک دہائی بعد رومانوی کہانی میں دوبارہ اسکرین پر آئے ہیں، جس کے لیے مداح کافی پرجوش تھے۔
فلم کی کہانی
کہانی ایک نابینا لڑکی اور ایک شاعر کے گرد گھومتی ہے ۔ جو اتفاقاً اس سے ملاقات کرتا ہے۔
فلم کے ڈائریکٹر عمار رسول نے لاہور کو تیسرا اہم کردار قرار دیا ہے۔ فلم کی ریلیز کے بعد شائقین نے ملے جلے تاثرات دیے ہیں۔
مداحوں کے تاثرات
کچھ ناظرین نے فلم کو سست اور بوجھل قرار دیا اور کہا کہ اس میں مضبوط کہانی کی کمی ہے اور فلم صرف ستاروں کی موجودگی پر منحصر ہے۔
کچھ نے فلم کی شاعرانہ انداز اور سست رومانوی پیشکش کو بورنگ پایا اور کہا کہ ہمسفر کی سطح کی کیمسٹری موجود نہیں۔
دوسری جانب بہت سے مداحوں نے فواد اور ماہرہ کی کیمسٹری کو سراہا اور اداکاروں کی شاندار کارکردگی کی تعریف کی۔ انہیں لاہور کے خوبصورت مناظر اور سست رفتار رومانوی کہانی پسند آئی۔
عوامی سطح پر ملا جلا ردعمل حاصل ہو رہا ہے۔ تاہم فواد اور ماہرہ نے فلم کی پروموشن میں کوئی کسر نہیں چھوڑی۔
