وزیراعظم محمد شہباز شریف نے فیلڈ مارشل سید عاصم منیر کو پاکستان کا پہلا چیف آف ڈیفنس فورسز تعینات ہونے پر مبارکباد پیش کرتے ہوئے نیک خواہشات کا اظہار کیا ہے۔
وزیراعظم محمد شہباز شریف نے کہا کہ چیف آف ڈیفنس فورسز کی تعیناتی عصری اور جدید جنگی تقاضوں سے ہم آہنگ ہے، ملک کا دفاع مزید بہتر ہو گا۔
یہ بھی پڑھیں: سید عاصم منیر پہلے چیف آف ڈیفنس فورسز تعینات،سمری منظور ،نوٹیفکیشن جاری
انہوں نے کہا کہ فیلڈ مارشل سید عاصم منیر کی قیادت میں ہماری بہادر افواج نے دشمن کو عبرتناک شکست دی، ان کی قیادت میں معرکہ حق میں شاندار کامیابی سے پاکستان کا نام پوری دنیا میں روشن ہوا اور پاکستان کو عزت ملی۔
وزیراعظم نے چیف آف ایئر اسٹاف ظہیر احمد بابر سدھو کو بھی مدت ملازمت میں دو سال کی توسیع پر مبارکباد دی اور نیک خواہشات کا اظہار کیا۔
ان کا کہنا تھا کہ ظہیر احمد بابر سدھو کی قیادت میں پاکستان فضائیہ نے معرکہ حق میں شاندار پیشہ ورانہ کا صلاحیتوں کا استعمال کرتے ہوئے دشمن کے جنگی ہوائی جہاز تباہ کیے اور دشمن پر اپنی دھاک بٹھائی۔
وزیراعظم نے مزید کہا کہ پاکستان کے دفاع، ترقی و خوشحالی کے لئے ملک کے تمام ادارے مل کر کام کریں گے، ملک کے دفاع کو مل کر ناقابل تسخیر بنائیں گے۔
