پاکستان میں سونے کی قیمت میں مسلسل کمی کے بعد آج اضافہ دیکھنے میں آیا ہے، جہاں فی تولہ سونا 3000 روپے مہنگا ہوگیا۔
آل پاکستان جیمز اینڈ جیولرز ایسوسی ایشن کے مطابق سونے کے فی تولہ نرخ میں 3000 روپے کا اضافہ ہوا ہے، جس کے بعد فی تولہ سونا 4 لاکھ 44 ہزار 462 روپے کا ہو گیا ہے۔
اسی طرح 10 گرام سونا بھی مزید 2572 روپے مہنگا ہونے سے 3 لاکھ 81 ہزار 54 روپے کی سطح پر آگیا ہے۔
اس کے علاوہ چاندی کی قیمت میں بھی اضافہ ریکارڈ کیا گیا جس کے مطابق فی تولہ چاندی 72 روپے مہنگی ہو کر 6072 روپے ہوگئی ہے۔
دوسری جانب بین الاقوامی مارکیٹ میں بھی سونے کے نرخ میں 30 ڈالر اضافہ ہوا ہے، جس کے بعد فی اونس سونا 4221 ڈالر کا ہوگیا ہے۔
