لاہور: پاکستان سپر لیگ (پی ایس ایل) کے گیارہویں ایڈیشن کے میچز کب، کہاں اور کتنے ہونگے؟ سب تفصیلات سامنے آگئیں۔
نجی خبر رساں ادارے کے مطابق پی ایس ایل 26 مارچ سے 3 مئی 2026 تک 5 شہروں میں کھیلی جائے گی۔
مقامی نیوز چینل نے ذرائع کے حوالے سے دعویٰ کیا ہے کہ پاکستان سپر لیگ 2026 میں 44 میچ کھیلے جائیں گے۔
مزید پڑھیں: انگلینڈ میں کامیابی کے بعد پی ایس ایل کا امریکہ میں کامیاب رنگا رنگ روڈ شو
ذرائع کا کہنا ہے کہ 8 ٹیموں کا ایونٹ سنگل لیگ کی بنیاد پر ہی ہو گا، ہر ٹیم کو کم سے کم 10 میچ کھیلنے کو ملیں گے، پی ایس ایل 11 میں 39 دن میں 44 میچ کھیلے جائیں گے۔
ذرائع کے مطابق پاکستان سپر لیگ کے پہلے مرحلے میں 28 میچ ہوں گے جبکہ دوسرے مرحلے میں 8 ٹیموں کو4۔4 کے 2گروپس میں تقسیم کیا جائےگا۔
ذرائع کا بتانا ہے کہ سپر فور مرحلے میں ہر ٹیم 3۔3 میچ کھیلے گی، سپر فور مرحلے میں 12میچ کھیلے جائیں گے، سپر فور مرحلے میں دونوں گروپس کی 2 ٹاپ ٹیمیں پلے آف کھیلیں گی۔
