پنجاب مریم نواز شریف نے کہاکہ ہجرت معاشروں کو نئی توانائی، تنوع اور مواقع فراہم کرتی ہے، یہ عمل مختلف معاشروں کو ایک دوسرے کے قریب لاتا ہے، انسانی حقوق، تحفظ اور باعزت سلوک ہر مہاجر کا بنیادی حق ہے۔
وزیراعلیٰ پنجاب مریم نواز شریف نے ہجرت کے عالمی دن پر پیغام دیتے ہوئے کہا کہ ہجرت سنت نبویؐ ہے، ہجرت میں برکت ہے، قیام پاکستان کے بعد دنیا کی سب سے بڑی ہجرت کی گئی۔
انہوں نے کہا کہ دنیا بھر میں سماجی، معاشی اور ثقافتی تبدیلیوں کی وجہ سے کی گئی ہجرت سب سے بڑی حقیقت ہے، ہجرت معاشروں کو نئی توانائی، تنوع اور مواقع فراہم کرتی ہے۔
یہ بھی پڑھیں: مریم نواز کا پنجاب، شاندار اور بے مثال
وزیراعلیٰ پنجاب کا کہنا تھا کہ پاکستان کی تعمیر و ترقی میں اوورسیز پاکستانیوں کا کردارناقابل فراموش ہے، ہجرت کرکے بیرون ملک مقیم پاکستانی ہر سال اربوں ڈالر ترسیلاتِ زر بھیج کر ملکی معیشت کو مضبوط کرتے ہیں۔
انہوں نے کہا کہ مائیگریشن محض ہجرت نہیں بلکہ ہنر، قابلیت، جدت اور تجربے کا عالمی تبادلہ بھی ہے، ہجرت نے دنیا بھر میں مزدوروں، پروفیشنلز اور طلبہ کے لیے نئی راہیں کھولی ہیں۔
مریم نواز کا کہنا تھا کہ ہجرت کے حق کی پاسداری عالمی برادری کی مشترکہ ذمہ داری ہے، اوورسیز پاکستانی ملک کی معاشی اور سماجی سفیر ہیں۔
انہوں نے کہا کہ غیر قانونی مائیگریشن نہ صرف جانوں کو خطرے میں ڈالتی ہے بلکہ یہ عالمی قوانین کی خلاف ورزی بھی ہے۔ مریم نواز شریف
غیر قانونی مائیگریشن کے سدباب کے لیے عوامی شعور اور قانونی راستوں کا فروغ انتہائی ضروری ہے۔
وزیراعلیٰ پنجاب نے مزید کہا کہ حکومتِ پنجاب اوورسیز پاکستانیوں کے مسائل کے فوری حل، شفافیت اور سروس ڈیلیوری کو بہتر بنانے کے لیے کوشاں ہے۔
