شہر قائد میں دھند کا راج، حد نگاہ 5 کلو میٹر تک محدود ہوگئی ہے، تاہم موسم کا کوئی اعتبار نہیں، دن ورات میں درجہ حرارت کم ہونے کے بجائے بڑھنے لگا ہے۔
محکمہ موسمیات کے مطابق شہرِ کراچی میں آج کم سے کم درجہ حرارت 16 ڈگری سینٹی گریڈ ریکارڈ کیا گیا، ہوا میں نمی کا تناسب 62 فیصد ہے۔
یہ بھی پڑھیں: شہر قائد میں سردیوں کے حوالے سے اہم پیش گوئی سامنے آگئی
شہر قائد میں موجودہ درجہ حرارت 18 ڈگری سینٹی گریڈ ریکارڈ کیا گیا ہے، جبکہ آج زیادہ سے زیادہ درجہ حرارت 27 سے 29 ڈگری سینٹی گریڈ کے درمیان رہنے کا امکان ہے۔
محکمہ موسمیات کا کہنا ہے کہ کراچی میں اس وقت ہوائیں مشرق شمال مشرق سے 7 کلو میٹر فی گھنٹہ کی رفتار سے چل رہی ہیں، شہر کا مطلع زیادہ تر ابر آلود جبکہ رات خنک رہنے کی توقع ہے، اس کے علاوہ شہر میں بارش کا کوئی امکان نہیں ہے۔
