تباہ حال قصبے کے لوگوں کی لاٹری لگ گئی ، کرسمس کی خوشیاں دوبالا ہوگئیں ۔ اسپین کا چھوٹا سا قصبہ لا بانیزا بدترین جنگلاتی آگ نے لپیٹ میں آکر تباہ و برباد ہوگیاتھا۔
مگر اب یہ قصبہ خوشی کے ایک نئے دور میں داخل ہو چکا ہے۔ اس تباہ کن آگ نے 55 ہزار ہیکٹر پر محیط جنگلات کو راکھ میں تبدیل کر دیا تھا۔ 3 قیمتی جانوں کو لے لیا تھا۔
جب کہ ہزاروں افراد بے گھر ہو گئے تھے۔اب یہ قصبہ مشہور کرسمس لاٹری ایل گورڈو کی جیت کے بعد خوشیوں کا مرکز بن چکا ہے۔
جس نے اس اجڑے ہوئے علاقے کی تقدیر بدل دی ہے۔ اس بات نے کرسمس کی خوشیوں کو دوبالا کردیا ہے ۔
لاٹری جیتنے والے قصبے اور گاؤں کی خوش قسمتی
ایل گورڈو کرسمس لاٹری میں جیتنے والے 10 ہزار افراد پر کروڑوں یورو کی برسات ہو چکی ہے۔جس سے اس قصبے کی تقدیر بدل گئی ہے۔
اس جیت کا اثر صرف لا بانیزا تک محدود نہیں رہا بلکہ قریبی گاؤں کے مکینوں نے بھی یہی جیتنے والا نمبر خریدا تھا۔ اب وہ بھی کروڑوں یورو کے انعامات کے حقدار بن چکے ہیں۔
یہ گاؤں بھی اس سال مارچ میں ایک خوفناک کان کنی حادثے کا شکار ہوا تھا۔ جس میں 5 محنت کش جان سے ہاتھ دھو بیٹھے تھے۔
لا بانیزا کے میئر جیویر کیریرا نے اس جیت کو “جذبات کا ایک حسین امتزاج” قرار دیا۔ انہوں نے کہا کہ ایک کٹھن اور ہولناک سال کے بعد یہ انعام آسمان سے ایک تحفے کی مانند اترا ہے۔
اسپین کی منفرد کرسمس لاٹری روایت
اسپین میں کرسمس لاٹری کی ایک منفرد روایت ہے ۔ جس میں میڈرڈ کے ایک اسکول کے بچے ایک مخصوص طرز پر گا کر جیتنے والے نمبروں کا اعلان کرتے ہیں۔
اس سال لا بانیزا میں جیتنے والے نمبر کی 117 سیریز فروخت ہوئی تھی۔جس کا مطلب ہے کہ مجموعی طور پر 46 کروڑ 80 لاکھ یورو یہاں کے مکینوں میں تقسیم کیے جائیں گے۔
فی ٹکٹ 4 لاکھ یورو کا یہ انعام ان لوگوں کیلیے ایک بڑی ڈھارس ہے جنہوں نے چندماہ پہلے اپنی سب کچھ کھودیاتھا۔
توہم پرستی اور خوش قسمتی کا رشتہ
علاوہ ازیں اس غیر معمولی جیت نے اسپین میں رائج ایک دلچسپ توہم پرستی کو بھی تقویت دی ہے۔جس کے مطابق خوش قسمتی اکثر ان مقامات کا رخ کرتی ہے جہاں پہلے کوئی بڑا المیہ پیش آیا ہو۔
لوگ ایسے علاقوں سے لاٹری خریدنے کی کوشش کرتے ہیں جو قدرتی آفات کا شکار رہ چکے ہوں۔اس امید پر کہ قدرت اب اپنی تلافی کرے گی۔
دریں اثنا لا بانیزا اور ویلب لینو کے باسیوں کے لیے یہ توہم پرستی حقیقت بن کر سامنے آئی ہے ۔ جہاں ایک سیاہ سال کے اختتام پر قسمت نے ان پر مسکرا دیا ہے۔
