شہر قائد میں آج دن میں موسم خشک اور رات خنک رہے گی، تاہم دھند کے باعث حد نگاہ 3 کلو میٹر تک محدود ہوگئی ہے۔
محکمہ موسمیات کے مطابق آج کراچی میں کم سے کم درجہ حرارت 12.5 ڈگری سینٹی گریڈ ریکارڈ کیا گیا، جبکہ ہوا میں نمی کا تناسب 67 فیصد ہے۔
یہ بھی پڑھیں: شہر قائد میں سردیوں کے حوالے سے اہم پیش گوئی سامنے آگئی
شہر قائد میں موجودہ درجہ حرارت 18 ڈگری سینٹی گریڈ ریکارڈ کیا گیا، جبکہ آج زیادہ سے زیادہ درجہ حرارت 28 سے 29 ڈگری سینٹی گریڈ کے درمیان رہنے کا امکان ہے۔
محکمہ موسمیات کا کہنا ہے کہ کراچی میں اس وقت ہوا شمال مشرق سے 3 کلو میٹر فی گھنٹہ کی رفتار سے چل رہی ہے۔
