میلبرن کرکٹ گراؤنڈ میں آپشنل ٹریننگ کے دوران انگلینڈ اور آسٹریلیا کے کھلاڑیوں نے کرسمس ڈے فیملی کے ساتھ منایا۔
اس موقع پر دونوں ٹیموں کے کھلاڑی اپنی فیملیز کے ہمراہ ایم سی جی پہنچے، جہاں خوشگوار ماحول میں ملاقاتیں ہوئیں اور پھولوں و چاکلیٹس کا تبادلہ بھی کیا گیا۔
آسٹریلوی کرکٹر عثمان خواجہ سمیت دیگر کھلاڑیوں نے گراؤنڈ میں اپنے اہلِ خانہ کے ساتھ ہلکی پھلکی کرکٹ بھی کھیلی جبکہ کرسمس کے دن ہونے والی آپشنل ٹریننگ میں انگلینڈ اور آسٹریلیا کے کھلاڑیوں نے نیٹس بھی شیئر کیے۔
A perfect way to start your Christmas Day!#fblifestyle | #cricketaustralia | #Ashes pic.twitter.com/lBjf5oWDy8
— Cricketangon (@cricketangon) December 24, 2025
آسٹریلوی کپتان اسٹیو اسمتھ اور انگلینڈ کے اسٹار بیٹر جو روٹ کو ساتھ ساتھ بیٹنگ پریکٹس کرتے دیکھا گیا، جسے شائقین نے خاصا پسند کیا۔
واضح رہے کہ باکسنگ ڈے ٹیسٹ سے قبل روایتی طور پر آپشنل ٹریننگ سیشن منعقد کیا جاتا ہے، جس میں کھلاڑی کرسمس کی خوشیاں اپنے اہلِ خانہ کے ساتھ مناتے ہیں۔
تاہم، آسٹریلیا اور انگلینڈ کے درمیان ایشیز سیریز کا باکسنگ ڈے ٹیسٹ کل سے شروع ہوگا۔
