کراچی میں پاکستان ٹی وی (PTV) نے فرسٹ کلاس کرکٹ کی تاریخ میں سب سے کم ہدف کی کامیاب دفاع کر کے نیا ریکارڈ قائم کیا۔

PTV نے صدرز ٹرافی کے میچ میں SNGPL کے خلاف صرف 40 رنز کے ہدف کو دو رنز سے کامیابی سے دفاع کیا۔

یہ سب سے چھوٹا ہدف ہے جس کا فرسٹ کلاس کرکٹ میں کامیابی سے دفاع کیا گیا ہے۔

اس سے قبل 1794 میں اولڈ فیلڈ نے لارڈز اولڈ گراؤنڈ میں 41 رنز کا ہدف دفاع کر کے MCC کو چھ رنز سے شکست دی تھی۔

کراچی میں PTV نے 40 رنز کے ہدف کے دفاع کے لیے شاندار بولنگ کی، اور SNGPL کو 37 رنز پر آؤٹ کر کے دو رنز سے جیت حاصل کی۔

مزید پڑھیں: حکومت کا بجلی بلوں میں پی ٹی وی فیس ختم کرنے کا منصوبہ

بائیں بازو کے اسپنر علی عثمان نے 6 وکٹیں 9 رنز میں حاصل کیں، جبکہ فاسٹ باؤلر عماد بٹ نے باقی چار وکٹیں حاصل کیں۔

میچ کی پہلی اننگز میں پی ٹی وی کی ٹیم 166 رنز پر آؤٹ ہوئی، جبکہ SNGPL نے 238 رنز بنا کر 72 رنز کی برتری حاصل کی۔

دوسری اننگز میں پی ٹی وی کی ٹیم 111 رنز بنا کر آؤٹ ہوگئی، اور SNGPL کو جیت کے لیے 40 رنز کا ہدف دیا۔ SNGPL کی جیت یقینی لگ رہی تھی، مگر آخرکار معجزانہ دفاع نے کھیل کا رخ بدل دیا۔

اس جیت کے بعد PTV پوائنٹس ٹیبل میں دوسرے نمبر پر پہنچ گئی جبکہ SNGPL تیسرے نمبر پر آ گئی۔

 PTV نے چار میں سے تین میچ جیتے ہیں، جبکہ SNGPL نے چار میں سے دو میچ جیتے اور دو ہارے ہیں۔

صدرز ٹرافی کا فائنل 12 فروری کو کھیلا جائے گا، جس کے لیے پہلے دو نمبر پر موجود ٹیمیں براہ راست کوالیفائی کریں گی۔