شہر قائد میں اس وقت بھی یخ بستہ ہواؤں کا راج ہے، اور گزشتہ شب کو رواں سیزن کی سرد ترین رات قراردی گئی ہے۔
محکمہ موسمیات کے مطابق کراچی میں آج کم سے کم درجہ حرارت 8.5 ڈگری سینٹی گریڈ ریکارڈ کیا گیا، تاہم سردی کی شدت 5 ڈگری تک محسوس کی گئی، جبکہ گزشتہ روز رواں سیزن کا سرد ترین دن تھا۔
یہ بھی پڑھیں: کراچی والے ہوجائیں تیار! محکمہ موسمیات نے بارش کی پیشگوئی کردی
شہر قائد میں گزشتہ روز پارہ 20 ڈگری سینٹی گریڈ تک ریکارڈ کیا گیا، جبکہ آج 20 سے 22 ڈگری سینٹی گریڈ کے درمیان رہنے کا امکان ہے، جبکہ ہوا میں نمی کا تناسب 54 فیصد ہے۔
محکمہ موسمیات کا کہنا ہے کہ کراچی میں اس وقت 10 کلو میٹر فی گھنٹہ کی رفتار سے شمال مغربی ہوا چل رہی ہے، جبکہ سردی کی شدت 28 جنوری تک برقرار رہے گی، آج مطلع مکمل صاف رہے گا تاہم بارش کا کوئی امکان نہیں ہے۔
