چین نے الیکٹرک گاڑیوں کی بیٹریوں کے لیے اہم سمجھی جانے والی دھات لیتھیم کو نمکین جھیلوں سے حاصل کر کے ایک بڑی صنعتی کامیابی حاصل کرلی ہے۔

چین نے نمکین جھیل کے پانی سے لیتھیم نکالنے کے لیے نئی ٹیکنالوجی پر مبنی دنیا کی پہلی 20 ہزار ٹن پیداواری لائن کا آغاز کر دیا ہے۔

تفصیلات کے مطابق چین کے شمال مغربی صوبے چھنگ ہائی میں چھنگ ہائی سی آئی ٹی آئی سی گو آن ٹیکنالوجی ڈیویلپمنٹ کمپنی لمیٹڈ کی جانب سے تعمیر کردہ یہ سہولت اپنی مقررہ پیداواری صلاحیت کے ساتھ کام شروع کر چکی ہے۔

یہ بھی پڑھیں: قدرتی ماحول کیلئے محفوظ لیموں اور جیلیٹن سے بیٹری تیار

اس پیداواری لائن کے کامیاب آغاز سے چین کی نمکین جھیلوں میں موجود لیتھیم کے ذخائر کے جامع استعمال کے شرح میں نمایاں اضافہ ہوگا اور ان کی پائدارترقی کی مدت مزیدطویل ہوگی۔

یہ صنعت کی ترقی کو زیادہ ماحول دوست زیادہ اسمارٹ اور بڑے پیمانے پر آپریشنز کی جانب لے جانے کے لیے ایک نہایت اہم نمونہ فراہم کرتا ہے۔

لیتھیم جسے اکثر سفید سونا بھی کہا جاتا ہے، دوبارہ چارج کے قابل لیتھیئم آئن بیٹریوں کا ایک بنیادی جزو ہے جو الیکٹرک گاڑیوں ای ویز صارفین کے الیکٹرک  آلات اور بڑے پیمانے کے توانائی ذخیرہ کرنے  کے نظاموں کو توانائی فراہم کرتا ہے۔