پی سی بی سلیکشن کمیٹی کے رکن عاقب جاوید، ہیڈ کوچ مائیک ہیسن اوروائٹ بال کپتان سلمان آغا نے پریس کانفرنس کرتے ہوئے ٹی ٹونٹی ورلڈ کپ 2026 کے لیے قومی کرکٹ ٹیم کا اعلان کر دیا ہے۔

 سلمان علی آغا پاکستان  ٹی 20 ٹیم کی قیادت کریں گے، جبکہ فہیم اشرف، خواجہ محمد نافع، محمد سلمان مرزا، صاحبزادہ فرحان ،عثمان طارق ، ابرار احمد، بابر اعظم، فخر زمان، محمد نواز، شاہین شاہ آفریدی، عثمان  خان ، صائم ایوب، شاداب خان اور نسیم شاہ اسکواڈ کا حصہ ہیں۔

اس موقع پر پی سی بی سلیکشن کمیٹی کے رکن عاقب جاوید نے کہا چیلنجنگ کنڈیشنز میں بابراعظم کا ہونا ضروری ہے ،ٹیم میں ایسا کھلاڑی ہونا چاہیےجوہرکنڈیشنزمیں کھیل سکے ہم نوےکی دہائی سےباہرنہیں آرہے ہیں ،پچھلے کئی سال سے کرکٹ بہت بدل چکی ہے۔[

یہ بھی پڑھیں: ٹی ٹونٹی ورلڈ کپ اور آسٹریلیا کے خلاف سیریز کےلیے ممکنہ پاکستانی اسکواڈ

عاقب جاوید نےمزید کہا بہترکمبینیشن کودیکھ کرٹیم بنائی جاتی ہے،سری لنکامیں میچ ہیں ان کو مدنظر رکھتےہوئےٹیم بنائی گئی،ٹی ٹونٹی،ون ڈےسب میں ایک جیسی چوائس نہیں ہوسکتی۔

قومی کرکٹ ٹیم کےکپتان سلمان علی آغا نےکہافتح کےلیے اچھی کرکٹ کھیلنا ہوگی، پچھلے تین ٹورنامنٹ میں ہماری پرفارمنس اچھی نہیں تھی، ورلڈکپ ہمیشہ چیلنجنگ ایونٹ ہوتا ہے،ریلکس نہیں ہو سکتے، ورلڈکپ کے لیے پرجوش اورتیار ہیں،سری لنکا کی کنڈیشنز میں ہائی اسکورنگ میچز نہیں ہوتے۔

پاکستان 7 فروری کو نیدرلینڈز کے خلاف ورلڈ کپ مہم کا آغاز کرے گا، ٹی ٹوئنٹی ورلڈ کپ کے میچز 7 فروری سے 8 مارچ تک ہوں گے ۔

ٹی ٹوئنٹی ورلڈکپ سے قبل پاکستان آسٹریلیا کےخلاف تین میچوں کی ٹی ٹوئنٹی سیریز کھیلے گا جو ورلڈکپ کے لیے تیاری ہوگی۔

واضح رہے آسٹریلیا کی ٹیم 28 جنوری کو پاکستان پہنچے گی اور میچز لاہور کے قذافی اسٹیڈیم میں 29، 31 جنوری اور 1 فروری کو ہوں گے۔