عوام کودہلیز پر طبی سہولیات کی فراہمی کےلئے مصطفیٰ کمال کا بڑا اقدام سامنے آگیا۔  وفاقی وزیر صحت کا اس حوالے  سے انتہائی پُرعزم بیان آگیا۔

اسلام آباد میں ایک تقریب سے خطاب کرتے ہوئے مصطفیٰ کمال کا کہنا تھا کہ بنیادی مراکزِ صحت (بی ایچ یوز) کی کارکردگی کی نگرانی کے لیے جدید ٹیکنالوجی کا استعمال کیا جائے گا تاکہ نظام کو مؤثر، شفاف اور جوابدہ بنایا جا سکے۔

مصطفیٰ کمال نے اس عزم کا اعادہ کیا کہ صحت کے شعبے میں اصلاحات حکومت کی اولین ترجیحات میں شامل ہیں اور اس سلسلے میں تمام دستیاب وسائل بروئے کار لائے جائیں گے۔

انہوں نے کہاکہ  بنیادی سطح پر صحت کی سہولیات بہتر بنانے سے بڑے اسپتالوں پر مریضوں کا دباؤ کم ہوگا اور عوام کو فوری علاج میسر آ سکے گا۔