پاکستانی شوبز انڈسٹری کی مقبول اداکارہ ہانیہ عامر اور معروف گلوکار عاصم اظہر ایک بار پھر سوشل میڈیا پر خبروں کی زینت بن گئے ہیں۔
حالیہ دنوں میں ایک بار پھر ہانیہ عامر اور عاصم اظہر کے مبینہ تعلق اور ممکنہ شادی سے متعلق افواہیں گردش کر رہی ہیں، تاہم اداکارہ ان خبروں کو سنجیدگی سے لینے کے بجائے ہمیشہ کی طرح ہلکے پھلکے انداز میں ردعمل دیتی دکھائی دے رہی ہیں۔
حال ہی میں ایک تقریب کے دوران ہانیہ عامر سے سوال کیا گیا کہ ان کا پسندیدہ گلوکار کون ہے؟ اس پر اداکارہ نے مسکراتے ہوئے مزاحیہ انداز میں جواب دیا کہ “کیا آپ چاہتے ہیں کہ میں عاصم اظہر کا نام لوں؟”
View this post on Instagram
ہانیہ عامر کا یہ مختصر مگر دلچسپ جواب سن کر محفل میں قہقہے گونج اٹھے جبکہ یہ ویڈیو سوشل میڈیا پر بھی تیزی سے وائرل ہو رہی ہے۔
صارفین اس پر مختلف تبصرے کر رہے ہیں اور کئی مداح اسے دونوں کے درمیان تعلقات کی طرف اشارہ قرار دے رہے ہیں۔
ہانیہ عامر کے اس انداز نے ایک بار پھر مداحوں کی توجہ حاصل کر لی ہے، جس کے بعد دونوں فنکاروں کے حوالے سے چہ مگوئیاں مزید تیز ہوگئی ہیں۔
