لاہور میں پولیس نے پتنگ بازی روکنے کے لیے ڈرون کیمروں کا استعمال شروع کردیا، ڈرون کیمروں کے مدد سے اب تک ثبو توں کے ساتھ 5 پتنگ بازوں کو گرفتاربھی کرلیا گیا۔
تفصیلات کے مطابق ایس ایچ او ہنجروال شیخ حماد اختر نے بتایا کہ پتنگ بازوں کو پکڑنے کے لیے کافی مشکلات کا سامنا کرنا پڑتا تھا۔ پتنگ بازوں کی گرفتاری کے لیے ضروری تھا کہ گھروں کی چھتوں تک رسائی ملے جہاں سے ان کی گرفتاری عمل میں آتی تھی۔
قانونی ماہرین کے مطابق اس میں ایک قباحت یہ تھی کہ جب پولیس ملزمان کو پکڑنے کے لیے جاتی تھی تو چادر اورچہار دیواری کا مسئلہ درپیش ہوجاتا تھا جس کا فائدہ ملزمان اٹھاتے تھے جب کہ قانونی اعتبار سے پولیس کے لیے ثبوت پیش کرنا بھی ایک مسئلہ تھا کیونکہ ملزمان مکر جاتے تھے۔
ایس ایچ او ہنجروال شیخ حماد اختر کے مطابق اب ڈرون کیمروں کی وجہ سے ملزمان کے لیے بچنا نا ممکن ہوگا اور پولیس کے پاس ثبوت بھی ہوگا۔
واضح رہے کہ گرفتار ملزمان گھروں کی چھتوں پر پتنگ بازی کر رہے تھے، پتنگ بازوں کو ڈرون کیمروں کی مدد سے ٹریس کیا گیا جس کے بعد گرفتاری عمل میں آئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
