لاہور: وزیر تعلیم پنجاب رانا سکندر حیات نے تعلیمی اداروں میں مزید چھٹیوں کے حوالے سے پیدا ہونے والے ابہام کو دور کرتے ہوئے واضح کیا ہے کہ تعلیمی ادارے یکم اپریل سے کھل جائیں گے۔

وزیر تعلیم پنجاب نے سماجی رابطے کی ویب سائٹ پر جاری اپنے پیغام میں کہا کہ موجودہ چھٹیاں 31 مارچ کو ختم ہوجائیں گی اور یکم اپریل سے تعلیمی سرگرمیاں بحال کردی جائیں گی۔

Schools Will Be Open From The 1st Of April Inshallah 🙏❤️

— Rana Sikandar Hayat (@RanaSikandarH) March 25, 2026

ان کا کہنا تھا کہ یکم اپریل سے تعلیمی سلسلہ وہیں سے جڑے گا جہاں سے ٹوٹا تھا۔ اب تعلیمی نقصان (لرننگ لاسز) کو کم سے کم کرنے پر توجہ دی جائے گی۔

انہوں نے واضح کیا کہ تعلیمی اداروں میں مزید چھٹیوں کا کوئی امکان نہیں ہے اور یکم اپریل سے باقاعدہ تعلیمی سرگرمیاں شروع کردی جائیں گی۔