امریکا نے ایران کے اس دعوے کو مسترد کر دیا ہے جس میں کہا گیا تھا کہ ایرانی فورسز نے امریکی ایف-18 لڑاکا طیارہ مار گرایا ہے۔

امریکی سینٹرل کمانڈ (سینٹ کام) کے مطابق ایران کے پاسدارانِ انقلاب نے طیارہ گرانے کا جھوٹا دعویٰ کیا ہے۔

مزید پڑھیں: ایران میں کمانڈ اینڈ کنٹرول سینٹرز سمیت ہزاروں اہداف نشانہ بنائے، سینٹ کام

سینٹ کام کا کہنا ہے کہ ایران نے امریکا کا کوئی لڑاکا طیارہ نہیں گرایا اور اس حوالے سے گردش کرنے والی اطلاعات درست نہیں ہیں۔

واضح رہے کہ اس سے قبل ایران کی جانب سے دعویٰ کیا گیا تھا کہ اس کے فضائی دفاعی نظام نے امریکی ایف-18 طیارے کو نشانہ بنایا، تاہم امریکی حکام نے اس کی مکمل تردید کر دی ہے۔