پاکستان سپر لیگ (پی ایس ایل) کے 11ویں ایڈیشن کے میچز میں ایک نیا قانون متعارف کرا دیا گیا ہے، جس کا مقصد ٹیموں کو مزید اسٹریٹیجک سہولت فراہم کرنا ہے۔
نئے قانون کے تحت ہر ٹیم کا کپتان میچ سے قبل میچ ریفری کو دو مختلف پلیئنگ الیون جمع کروا سکے گا۔
ہر پلیئنگ الیون میں 11 کھلاڑیوں کے ساتھ 4 متبادل (سبسٹی ٹیوٹ) کھلاڑیوں کا نام دینا لازمی ہوگا، اگر دونوں ٹیمیں دو، دو پلیئنگ الیون جمع کرواتی ہیں تو ٹاس کے بعد کپتان ان میں سے کسی ایک حتمی ٹیم کا انتخاب کرے گا۔
منتخب شدہ پلیئنگ الیون پر کپتان کے دستخط ضروری ہوں گے اور ایک بار حتمی ٹیم جمع ہونے کے بعد اس میں کسی قسم کی تبدیلی ممکن نہیں ہوگی۔
