عوام کو 15 ارب روپے ریلیف سے محروم رکھنے کیلئے آئل ریفائنریوں اور کمپنیوں کا گٹھ جوڑ ہوگیا، اگر پٹرولیم مصنوعات کی قیمتوں میں مزید کمی کی تو بحران پیدا ہوجائیگا۔
تفصیلات کے مطابق پیٹرولیم مصنوعات اسٹاک کرنے کیلئے ڈپوووُں میں گنجائش نہیں ہے۔
ذرائع کے مطابق وزیراعظم عمران خان کو ریلیف فراہم نہ کرنے کے حوالے سے قائل کرلیا گیا ہے۔
ذرائع کا یہ بھی کہنا ہے کہ پیٹرولیم مصنوعات کی قیمتوں میں کمی کا کوئی امکان نہیں ہے، جب آئل کمپنیوں اور ریفائنریوں نے قیمت بڑھنے پر اربوں کا منافع کمایا اس حوالے سے وزیراعظم کو آگاہ نہیں کیا گیا۔ او ایم سیز اور ریفائنریز قیمتیں کم ہونے کی صورت میں بحران اور نقصان کا راگ الانپنے لگیں ہیں۔
ریفائنریز اور آئل کمپنیوں نے عرصہ دراز سے اپنی تیل اسٹاک کرنے کی صلاحیت میں کوئی اضافہ نہیں کیا۔
ریفائنریوں اور کمپنیوں نے صلاحیت بڑھانے کی مد میں اربوں روپے ڈکار لئےہیں۔
اوگر کی جانب سے دی گئی سمری پر ریلیف دینے یا نہ دینے کا فیصلہ وزیراعظم عمران خان کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News