ماہی گیروں کی بیچ سمندر میں نماز ادا کرنے کی ویڈیو سوشل میڈیا پر وائرل ہوگئی ہے۔
حال ہی میں ایک ویڈیو سوشل میڈیا پر خوب وائرل ہورہی ہے جس نے سب لوگوں کے دل جیت لیے ہیں۔
انڈونیشیاء سے تعلق رکھنے والی اس ویڈیو نے بھی اُس وقت سب کی توجہ حاصل کی، جب ماہی گیر بیچ سمندر میں نماز ادا کر رہے تھے۔
اس ویڈیو میں دیکھا جا سکتا ہے کہ پُر امن اور رات کی سیاہی میں یہ ماہی گیر باجماعت نماز ادا کر رہے ہیں۔
اگرچہ کشتی سمندری لہروں کے درمیان موجود ہے، اور ہچکولے بھی کھا رہی ہے، تاہم اس کے باوجود ماہی گیر توازن برقرار رکھے ہوئے ہیں۔
سوشل میڈیا پر وائرل ہونے والی اس ویڈیو میں دیکھا جا سکتا ہے کہ گریوٹی کے ساتھ ساتھ نمازی اپنے توازن کو برقرار کچھ اس طرح رکھے ہوئے ہیں کہ جیسے ہی کشتی ایک جانب کو ہوتی ہے، تو نمازی دوسری جانب کو اپنا وزن کر لیتے ہیں، تاکہ توازن کو برقرار رکھا جائے۔
جبکہ دوسری جانب امام کی جانب سے بھی بنا رکے تلاوت کی جا رہی ہے۔
یہ ویڈیو سوشل میڈیا پر تیزی سے وائرل ہورہی ہے جبکہ صارفین کی جانب سے ماہی گیروں کی خوب تعریفیں بھی کی جارہی ہیں۔
