4 گھنٹے بیت الخلا میں گزارنے والا انجینئرملاززمت سے برخاست کردیاگیا۔یہ واقعہ  چین کے مشرقی صوبے جیانگسو میں ایک انجینیئر لی کے ساتھ پیش آیا۔

رپورٹ کے مطابق لی نے اپریل اور مئی 2024 کے دوران 14 بار بیت الخلا کے لیے وقفے لیے ۔ جن میں سب سے طویل وقفہ 4 گھنٹے تک جاری رہا۔

لی نے اس فیصلے کے خلاف عدالت میں غیر قانونی برطرفی کا مقدمہ دائر کیا۔ 3 لاکھ 20 ہزار یوآن (تقریباً 45,000 امریکی ڈالر) معاوضے کا مطالبہ کیا۔

وجہ کیاتھی؟

ان کا کہنا تھا کہ وہ بواسیر کے مریض ہیں۔ انہوں نے اپنی دوائیں اور جنوری میں اسپتال میں ہونے والے علاج کے ریکارڈ بھی عدالت میں پیش کیے۔

تاہم، عدالت نے فیصلہ دیا کہ لی کا بیت الخلا میں گزارا گیا وقت ان کی جسمانی ضرورت سے کہیں زیادہ تھا۔ ان کی اپیل کو مسترد کر دیا۔

چین کے لیبر قوانین کے مطابق ملازمین کو حفظان صحت کی سہولت فراہم کی جاتی ہے۔مگر اس معاملے میں عدالت نے طویل اور غیر معقول وقفوں کو کمپنی کے لیے جائز قرار دیا۔