پاکستانی ایتھلیٹ صبا راشد نے ننچاکو کیٹیگری میں گنیز ورلڈ ریکارڈ قائم کر لیا۔ اس طرح وہ اس ایوارڈ کو حاصل کرنے والی پہلی پاکستانی مارشل آرٹ ایتھلیٹ بن گئیں۔
صبا راشد نے ایک منٹ میں 138 فگر آف ایٹ روٹیشنز مکمل کر کے یہ شاندار ریکارڈ قائم کیا ۔ گنیز ورلڈ ریکارڈز نے ان کی کامیابی کو باضابطہ طور پر تسلیم کیا۔
ان کے ریکارڈ کی تفصیلات اپنی ویب سائٹ پر شائع کیں ۔ جبکہ ای میل کے ذریعے منظوری کی تصدیق بھی کی۔
یہ صبا راشد کا دوسرا عالمی ریکارڈ ہے۔ اس سے پہلے وہ ایلبو اسٹرائیک کیٹیگری میں بھی عالمی ریکارڈ بنا چکی ہیں۔
انہوں نے 3 منٹ میں 680 ایلبو اسٹرائیک مکمل کر کے بھارت کی مشہور ایتھلیٹ کرن یونیال کو شکست دی تھی۔
جو اپنے ملک کے لیے سب سے زیادہ عالمی ریکارڈز بنانے کا اعزاز رکھتی ہیں۔
پاکستانی خواتین کے لیے سنگ میل
صبا راشد نے اپنے اس ریکارڈ پر خوشی کا اظہار کیاہے ۔ ان کا کہناتھاکہ یہ کامیابی صرف ان کے لیے نہیں، بلکہ پاکستان کی خواتین کے لیے ایک اہم سنگ میل ہے۔
انہوں نے مزید کہا کہ ان کی یہ دوسری عالمی کامیابی پاکستانی خواتین کے لیے ایک بڑا پیغام ہے۔
صبا راشد کی ذاتی زندگی اور عالمی کامیابیاں
صبا راشد کی ذاتی زندگی بھی قابل ذکر ہے کیونکہ وہ پاکستان کے مشہور گنیز ورلڈ ریکارڈ ہولڈر راشد نسیم کی اہلیہ ہیں۔
جو خود بھی عالمی سطح پر مارشل آرٹ کے متعدد ریکارڈز اپنے نام کر چکے ہیں۔
صبا راشد اور راشد نسیم کی جوڑی نے پاکستان میں مارشل آرٹ کی دنیا کو ایک نیا مقام دیا ہے۔
ان کا یہ عالمی ریکارڈ پاکستان کی مارشل آرٹ کمیونٹی کے لیے ایک بڑی کامیابی ہے۔ محنت اور عزم کے ذریعے خواتین بھی دنیا بھر میں نمایاں مقام حاصل کر سکتی ہیں۔
ان کی کامیابی نہ صرف پاکستان بلکہ پوری دنیا کی خواتین کے لیے ایک حوصلہ افزا پیغام ہے۔
