وزیر اعظم عمران خان کی جانب سے وزارت تجارت و صنعت کو اسٹیل ملز کی بحالی کیلئے اپنی کوششیں تیز کرنے کی ہدایت دی گئی ہیں۔
وزیر اعظم عمران خان کا کہنا تھا کہ ایک منافع بخش ادارے کی تباہی ماضی کی بدا نتظامی اور غفلت کی واضح مثال ہے لیکن اب سٹیل مل کو نقصانات سے بچانا اور اسکی بحالی حکومت کی اولین ترجیح ہے۔
وزیرِ اعظم عمران خان کی زیر صدارت پاکستان اسٹیل مل کی بحالی کے حوالے سے پیش رفت کا جائزہ اجلاس ہوا جس میں مشیر تجارت عبدالرزاق داؤد، مشیر خزانہ عبدالحفیظ شیخ، سیکرٹری وزارتِ صنعت و پیداوار، سیکرٹری نجکاری ڈویژن و دیگر افسران نے شرکت کی۔
اجلاس میں وزیرِ اعظم کو اسٹیل ملز کی موجودہ صورتحال، مل کی بندش کی وجہ سے ہونے والے نقصانات، اسٹیل مل کی بحالی کے سلسلے میں موجودہ حکومت کی جانب سے کیے جانے والے فیصلوں پر اب تک کی پیش رفت پر تفصیلی بریفنگ دی گئی۔
واضح رہے کہ اسٹیل مل 2008 تک منافع بخش ادارہ تھا جوکہ 2009 میں نقصانات کا شکار ہوا اور جون 2015 میں اسٹیل مل کو مکمل طور پر بند کر دیا گیا تھا۔
Advertisement
ادارہ مسلسل خسارے کا شکار رہا ہے محض ملازمین کی تنخواہوں کی ادائیگیوں کے ضمن میں حکومت 37کروڑ ماہانہ اخراجات برداشت کر رہی ہے۔
وزیرِ اعظم کو بتایا گیا کہ اب تک اسٹیل مل کے ذمہ واجبات217ارب تک پہنچ چکے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
