معاون خصوصی ڈاکٹر فردوس عاشق اعوان نے کہا ہے کہ تعمیر پاکستان اور استحکام پاکستان میں خواتین کا کردار اہم ہوگا کیونکہ خواتین کو بااختیار بنانے کیلئے حکومت اقدامات کر رہی ہے۔
تفصیلات کے مطابق معاون خصوصی ڈاکٹر فردوس عاشق اعوان نے سیالکوٹ میں میڈیا سے گفتگو میں کہا ہے کہ وزیراعظم کے ریاست مدینہ کے وژن کی تکمیل کیلئے اسٹیٹ بینک نے اہم قدم اٹھایا ہے اور اب حکومت نچلے طقبے کو کاروبار کرنے کے مواقع فراہم کرے گی۔
انکا کہنا تھا کہ بدقسمتی سے خواتین کو مذہبی قید میں بند کردیا گیا ہے لیکن خواتین کو مضبوط کرنے تک ملکی معاشی استحکام نہیں لایا جاسکتا ہے مگر اب حکومت خواتین کو ملکی ترقی میں اپنی صلاحیتوں کو منوانے کیلئے مواقع فراہم کریں گی کیونکہ خواتین کومعاشی ترقی میں سہولیات فراہم کرنا وزیراعظم کے مشن کی عکاسی ہے۔
میڈیا گفتگو میں معاون خصوصی کا صنعتی شعبے کے متعلق کہنا تھا کہ صنعتیں لگیں گی تو روزگار کے مواقع بڑھیں گے، ماضی کے حکمرانوں نے عوام کو قرضوں کی دلدل میں دھکیل دیا ہے لیکن حکومت ایس ایم ایز کے ذریعے نچلے طبقےکو کاروبار کرنے کے مواقع فراہم کریگی۔
ڈاکٹر فردوس عاشق اعوان نے وزیر اعظم کی اقوام متحدہ میں تقریر کے حوالے سے کہا کہ وزیراعظم نے احسن طریقے سے پاکستانیوں اور کشمیریوں کا مقدمہ لڑا اور دنیا کے ضمیر کو جگانے کی بھرپورکوشش کی، وزیراعظم نے اقوام متحدہ میں اسلام کے حقیقی چہرے کو پیش کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News