کورونا کے خلاف جنگ میں حکومت کی کامیاب حکمت عملی کے ذریعے سی اے اے کی آمدنی میں بھی زبردست اضافہ ہوگیا ہے۔
اس ضمن میں ذرائع سی اے اے نے بتایا ہے کہ یومیہ اوور فلائنگ کرنے والی پروازوں کی تعداد بڑھ کر 600 ہوگئیں ہیں جس کے بعد صرف اوور فلائنگ کرنے والی پروازوں سے سی اے اے کی یومیہ آمدنی 2 کروڑ روپے ہوگئی ہے۔
ذرائع کا کہنا ہے کہ کورونا کمزور ہونے سے ایشیاء سمیت دیگر ممالک کی ایئرلائنز کی پروازوں کا پاکستان کی فضائی حدود استعمال میں اضافہ ہوا ہے۔
کورونا کے بعد فضائی حدود کھلنے کے پہلے ہی دن بھارت سمیت دیگر ملکوں کو جانے والی 80 پروازوں نے پاکستان کی فضائی حدود سے اوور فلائنگ کی تھی۔
سی اے اے کے ذرائع نے بتایا ہے کہ پاکستان کی فضائی حدود استعمال کرنے پر فی پرواز 200 ڈالر سی اے اے کو آمدنی ہوتی ہے، کورونا اور لاک ڈاؤن سے پروازوں کی اوور فلائنگ بند ہونے سے سی اے اے کو نقصان برداشت کرنا پڑا تھا جبکہ سی اے اے سالانہ 90 ارب روپے منافع کمانے والا ادارہ ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News