رواں ہفتے کون سی اشیاء مہنگی اور سستی ہوئیں؟ اعداد و شمار جاری

ویب ڈیسک

10th May, 2024. 03:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رواں ہفتے کون سی اشیاء مہنگی اور سستی ہوئیں؟ اعداد و شمار جاری

اسلام آباد: ادارہ شماریات نے ہفتہ وار مہنگائی کے اعداد و شمار جاری کردیے۔

ادارہ شماریات کے مطابق ایک ہفتے میں مہنگائی کی شرح میں 1.39 فیصد کی کمی ہوئی، مہنگائی کی مجموعی شرح 22.32 فیصد ریکارڈ کی گئی۔

ایک ہفتے میں 13 اشیاء کی قیمتوں میں کمی ریکارڈ کی گئی جب کہ 12 اشیاء کی قیمتوں میں اضافہ اور 26 اشیاء کی قیمتیں مستحکم رہیں۔

سستی ہونے والی اشیاء

ادارہ شماریات کا کہنا ہے کہ پیاز کی فی کلو قیمت میں 30 روپے اور زندہ مرغی کی فی کلو قیمت میں 80 روپے تک کمی ریکارڈ کی گئی۔

آٹے کا 20 کلو کا تھیلا 82 روپے اور ایل پی جی کا گھریلو سلنڈر 114 روپے تک سستا ہوا جب کہ لہسن فی کلو 9 روپے، چاول ٹوٹا باسمتی 2 روپے، چینی فی کلو 69 پیسے، دال مسور 85 پیسے اور کیلا تین روپے فی درجن تک سستا ہوا۔

مہنگی ہونے والی اشیاء

علاوہ ازیں ایک ہفتے میں انڈے فی درجن 12 روپے تک مہنگے ہوئے جب کہ 5 لیٹر برانڈڈ کوکنگ آئل کی قیمت میں 24 روپے تک اضافہ ہوا، آلو فی کلو 4 روپے اور دال چنا دو روپے تک مہنگی ہوئی۔