رواں مالی سال کے پہلے چار مہینوں (جولائی تا اکتوبر) کے دوران مجموعی ترسیلات زر 10.6 بلین ڈالر کی ریکارڈ سطح تک پہنچ گئیں۔
اسٹیٹ بینک آف پاکستان نے گزشتہ روز ایک ٹوئیٹ میں کہا کہ اکتوبر 2021 میں ترسیلات زر کا 2.5 بلین ڈالر پر سلسلہ جاری ہے، جو اکتوبر 2020 سے 10 فیصد زیادہ ہے، جبکہ ستمبر 2021 کے مقابلے میں معمولی حد تک اضافہ ہوا ہے۔
مرکزی بینک کا کہنا ہے کہ ستمبر میں ترسیلات زر کی رقم 2.7 بلین ڈالر تھی۔
اسٹیٹ بینک نے مزید کہا کہ مجموعی طور پر مالی سال 2022 میں اب تک بیرون ملک مقیم پاکستانیوں کی ترسیلات زر بڑھ کر 10.6 بلین ڈالر تک پہنچ گئی ہیں، جو گزشتہ سال کی اسی مدت کے مقابلے میں 12 فیصد زیادہ ہے۔
AdvertisementAt $2.5bn in Oct21, remittances continue their strong streak, rising by 10% from Oct20 and only moderating marginally compared to Sep21. Cumulatively, they have risen to $10.6bn so far in FY22, up 12% over the same period last year. https://t.co/7XBd4uNES4 pic.twitter.com/V4YPd9JAuy
— SBP (@StateBank_Pak) November 14, 2021
اس سال ستمبر کے آخر تک ترسیلات زر میں گزشتہ سال کے مقابلے میں 12.5 فیصد اضافہ ہوا، لیکن اکتوبر میں کمی نے چار ماہ کی نمو کو کم کرکے 12 فیصد تک پہنچا دیا۔
اسٹیٹ بینک نے مزید کہا کہ جون 2020 سے ترسیلات زر کا حجم 2 ارب ڈالر سے زیادہ ہے اور یہ مسلسل آٹھواں مہینہ ہے جب ترسیلات زر ڈھائی ارب ڈالر یا اس کے قریب رہیں۔
جولائی تا اکتوبر کی مدت کے دوران بڑھتی ہوئی درآمدات نے تجارتی خسارے کو بڑھا دیا ہے، جس سے روپے اور ڈالر کی شرح مبادلہ پر نمایاں دباؤ پڑا ہے جو بالآخر کرنٹ اکاؤنٹ خسارے پر واضح ہو رہا ہے۔
ملک نے مالی سال 2021 میں 29.4 بلین ڈالر کی ریکارڈ ترسیلات حاصل کیں جس سے کرنٹ اکاؤنٹ خسارہ کم کرنے میں مدد ملی۔
اسٹیٹ بینک نے رپورٹ کیا کہ مالی سال 2022 کے پہلے چار مہینوں کے دوران ترسیلات زر کی آمد سب سے زیادہ 2.7 بلین ڈالر سعودی عرب سے، اس کے بعد متحدہ عرب امارات سے 2 بلین ڈالر، برطانیہ سے 1.5 بلین ڈالر اور امریکہ سے 1.1 بلین ڈالر رہی۔
مرکزی بینک نے زیادہ ترسیلات کے لیے کریڈٹ کا دعویٰ کرتے ہوئے کہا کہ حکومت اور بینک کی جانب سے باضابطہ چینلز کے استعمال کو ترغیب دینے اور کورونا وائرس کی وباء کے دوران پاکستان میں پابندیوں کے لیے فعال پالیسی اقدامات نے گزشتہ سال سے ترسیلات زر کی آمد میں مسلسل بہتری میں مثبت کردار ادا کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News