پاکستان کی برآمدات میں 25 فیصد اضافہ ریکارڈ

ویب ڈیسک

02nd Jan, 2022. 02:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کی برآمدات میں 25 فیصد اضافہ ریکارڈ

غذائی اجناس کی برآمدات میں 19 فیصد اضافہ

وزیر اعظم کے مشیر برائے تجارت عبدالرزاق داؤد کا کہنا ہے کہ پاکستان کی برآمدات میں 25 فیصد اضافہ ہوا ہے۔

اپنے بیان میں مشیر تجارت نے کہا کہ دسمبر کے مہینے میں پاکستان کی کل برآمدات کا حجم 2 ارب 76 کروڑ 10 لاکھ ڈالر رہا۔

عبدالرزاق داؤد کا کہنا تھا کہ گزشتہ مالی سال دسمبر میں ہماری برآمدات 2 ارب 36 کروڑ 60 لاکھ ڈالر کی تھیں، اس طرح دسمبر 2021 کے دوران پاکستانی برآمدات میں 16.7 فیصد کا اضافہ ہوا۔

مزید پڑھیے: سبزیوں کی برآمدات میں 31 فیصد سے زائد کا اضافہ

مشیر تجارت نے مزید کہا کہ رواں مالی سال کے پہلے چھ ماہ میں برآمدات میں مجموعی طور پر 25 فیصد کا اضافہ ہوا ہے۔

رواں مالی سال کی پہلی ششماہی میں 15 ارب 12 کروڑ 50 لاکھ ڈالر کی برآمدات ہوئیں جب کہ گزشتہ مالی سال اسی عرصے میں 12 ارب 11 کروڑ ڈالر کی کل برآمدات تھیں۔

مزید پڑھیے: کھیلوں کے سامان کی برآمدات میں 20.73 فیصد اضافہ

عبدالرزاق داؤد نے مزید کہا کہ رواں مالی سال کے پہلے چھ ماہ میں 15 ارب ڈالر کا کل ہدف رکھا گیا تھا جو کہ ناصرف پورا ہوا بلکہ ہم نے اس سے تجاوز کیا ہے۔

واضح رہے کہ ملک میں اس وقت گیس کا شدید بحران ہے لیکن اس کے باوجود پاکستان کا برآمدی شعبہ بھرپور کارکردگی کا مظاہرہ کررہا ہے، ملک میں پہلی مرتبہ ہر ماہ دو ارب ڈالر سے زائد کی اشیا بیرون ملک برآمد کی جارہی ہے۔