اقتصادی رابطہ کمیٹی (ای سی سی) نے یوٹیلیٹی اسٹورز پر پانچ اشیائے ضروریہ کی قیمتوں پر سبسڈی جاری رکھنے کی منظوری دے دی۔
تفصیلات کے مطابق وفاقی وزیر خزانہ شوکت ترین کی زیر صدارت کابینہ کی اقتصادی رابطہ کمیٹی کا اجلاس ہوا جس میں وفاقی وزراء، مشیروں اور معاونین خصوصی سمیت اعلیٰ حکام نے شرکت کی۔
ذرائع کا کہنا ہے کہ اجلاس میں یوٹیلیٹی اسٹورز پر آٹے ، گھی، چینی، چاول اور دالوں پر سبسڈی 24 فروری سے 31 مارچ تک برقرار رکھنے کا فیصلہ کیا گیا۔
اجلاس میں افغانستان اور ایران کے ساتھ بارٹر ٹریڈ معاہدے کے ضوابط کی اجازت بھی دے دی گئی ۔
ذرائع کا مزید کہنا ہے کہ چینی کی قیمتوں میں اضافہ روکنے کے لیے چینی کے ذخائر کو تقویت دینے کی منظوری دے دی گئی۔وفاقی حکومت 3 لاکھ جبکہ پنجاب اور سندھ 2 لاکھ میٹرک ٹن چینی خریدیں گے۔
اجلاس میں افغانستان کو 50 ہزار میٹرک ٹن گندم کی فراہمی کی سمری واپس لے لی گئی۔ پاسکو کو 65 ارب کی کریڈٹ حد پر 12 لاکھ ٹن گندم کی خریداری کا ہدف دے دیا گیا۔ پاسکو 1950 روپے فی 40 کلوگرام کی شرح سے گندم خریدے گا۔
اس کے علاوہ وزارت اقتصادی امور کے لیے 68.40 کروڑ کی کی پہلی قسط کی منظوری بھی دے دی گئی۔
ای سی سی نے سندھ میں اقتصادی ترقی کے پلان کے لیے دو کروڑ روپے اور وزارت ہاؤسنگ اینڈ ورکس کے لیے پی ایس ڈی پی سے 20 کروڑ روپے کی گرانٹ کی منظوری دی۔
اجلاس میں نیشنل انسٹیٹیوٹ آف ہیلتھ کے لیے 45 کروڑ روپے کی سپلیمنٹری گرانٹ کی منظوری بھی دی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News