انٹر بینک میں ڈالر کی قدر میں مسلسل کئی روز اضافے کے بعد آج کاروباری ہفتے کے دوسرے روز بھی معمولی کمی ریکارڈ کی گئی ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں  46 پیسے کی کمی ہوئی ہے۔

          فاریکس ڈیلرز کے مطابق انٹربینک میں ڈالر 238 روپے 84 پیسے سے کم ہوکر 238 روپے 38  پیسے پر بند ہوا ہے۔

Interbank closing #ExchangeRate for todayhttps://t.co/ePL873DK8O pic.twitter.com/alH8W1J17j

Advertisement

— SBP (@StateBank_Pak) August 2, 2022

جولائی میں روپے کی قدر میں 25 فیصد اور 42 روپے کی تاریخی کمی ہوئی تھی، 2 دن میں اوپن مارکیٹ میں ڈالر 8 روپے اور انٹر بینک میں 1 روپے 43 پیسے سستا ہوا ہے۔

گزشتہ ماہ کے دوران انٹر بینک اور اوپن کرنسی مارکیٹ میں پاکستانی روپے کے مقابلے میں امریکی ڈالر کی غیر معمولی اڑان رہی یہاں تک کہ ایک ایک دن میں ڈالر کی قدر میں 5 اور 6 روپے کا بھی اضافہ ریکارڈ کیا گیا۔

فاریکس ایسوسی ایشن کے سربراہ ملک بوستان نے خبردار کیا ہے کہ ڈالرروک کر بیٹھنے والوں کو آنے والے دنوں میں نقصان ہوگا۔ ملک بوستان نے عوام کو ڈالر نہ خریدنے کا مشورہ دے دیا۔

میٹس گلوبل کے ڈائریکٹر سعد بن نصیر نے کہا کہ روپے کی بحالی کی دو بنیادی وجوہات ہیں، روپیہ 240 تک گرنے کے بعد اسٹیٹ بینک آف پاکستان کی مداخلت اور تیل کی درآمدات کے لیے ادائیگیوں کا مکمل ہونا۔